「um...我都覺, 一百萬年薪對我地黎講的確唔係好夠」

「將來一百萬年薪對我黎講夠唔夠使呢?有點擔心...」

「你痾篤尿照下自己個樣睇下咩 quali 再同我講年薪」

「夠膽想飛我個body, 睇下邊個想飛邊個」

穿上鞋子走路

不要抱怨別人的路好走, 宜至你穿上他的鞋子走一段路

幾耐風流, 幾耐 Assembly

一係唔黎, 一係就狂黎, 接下來都應該頗忙碌...有點應接不暇 @.@
好多 interview, FYP, IETS............
早上四時半起床免費去了一趟迪士尼, 個 BU Communication 女仔真係幾靚, 入黎 CU 真係揮低50%的中大學生。說實話, 硬照最好做, 又快又好賺
之後去了 interview, 聽佢講 Financial Planner 都幾好賺, 而且係全球最大的保險公司做, 返學都可以 keep 住做 part- time..畢業後都有兩三萬, 而且有可能沒有acct 咁悶, 都唔知自己行邊條路才好...現在會計、金融、政府(督察、海關、入境處) 似乎都不錯....太三心兩意了, 沒有一個明確目標。
是芒做眼鏡鋪老闆 (partnership)
海牛做專業電腦人員, 寫 program, IT related
體態待異行學術界之路, 做 instructor, or professor
Pilot 做 Pilot.....(=.=)
.........................................................................

決戰 二 督察作後備

海牛常操快跑, 故其肌力最強, 小腿大腿肌肉澎湃激動
昇仔、正氣、醫生、賜賜無不意氣昂揚, 快意地在運動場上揮灑汗水、展現青春活力
連日操練, 體能實在好了, 雖距中七暑假時尚有一段距離, 但人已經沒有經常感到疲憊, 而且虛弱易病。

肥壯士 Moon 與 八爪魚醫生, 決戰鄧肇堅運動場

士 Moon 肥壯依舊, 八爪魚則神采飛揚, 高佬相形見絀
八爪魚聲稱久未運動, 但身手非凡, 十幾二十圈對佢黎講是碎料
士 Moon 徙具肥壯外表與健碩肌肉, 誰知只是金「肉」其外
高佬久疏戰陣, 更是氣喘如牛, 汗流浹背, 辛苦非常, 真羞愧
連八爪魚都忍不住講:「你跑步就唔好講野啦」暗示高佬不濟
士 Moon 非常理性, 我同佢講其實高佬接近沒有強悍地慫打體態特異, 除了一兩次大班朋友gathering enjoy his body、和偶然看見他會大力攬抱幾下外, 其餘大部分都是出口術, 例如:「下次gathering 要想飛體態特異」、「我近排狂做掌上壓」、「體態特異, 我想考督察 pass 體能測驗, 可唔可以幫我」、 「開sem後同層同宿, 大把機會」等等, 基本上高佬慫佢的次數愈來愈少, 近幾次 gathering 甚至 keep 住「零」...對上個次, 好似係佢生日 Happy Corner for him.....高佬不明白, 為什麼沒有實質慫佢, 佢反而愈來愈躁, 愈來愈有距離。士 Moon認為高佬雖然沒有以行動帶給人痛苦, 但其實言語之傷害更甚於刀槍劍戟, 士 Moon非常理性, 我好同意, 以言語侵犯佢的反應遠大過以行動慫佢。某位友人又告訴高佬, 體態特異可能近來多野做多野煩, 心情不佳自然容易爆發, 而且佢脾氣其實並不是算好好......士 Moon勸告高佬, 既然大家都大個, 就無謂再做這些東西, 鬧得大家不快, 讓感情破損。我其實都明白, 體態特異的事先放在一旁, 面部肌肉王和識馬英雄就不能錯過了, 況且老鼠仔之約尚未兌現, 待這三件事了結, 再謀收山不遲。
八爪魚醫生和士 Moon太多趣事 , 改天再說。

阿橙 permit me to do so

阿橙的口頭允許"no problem" 是沒用的
阿橙說"plx send me that video.....i wait for it"佢不知道當中難處..說時容易做時難..我有考慮用武力, 反正佢地都快要離開香港, 不過那是最後方案, 暫緩行使
阿橙建議「偷襲」, 其實偷唔偷係一樣, 都係無得到人地permission 情況下"want to fly", 同用武力無分別...阿橙話「咁又係」
其實阿橙最好 send 一封電郵畀佢地, 同佢地陳述想飛的理由,有了阿橙的直接 support , 成功地和平想飛的機會大得多
算了, 謀定而後動, 暫靜觀其變, 再採取行動
下星期三有唱 K 活動, 先慫一個(如果去到)

楊宗緯-洋蔥

詞:阿信(五月天) 曲:阿信(五月天)

如果你眼神能夠為我片刻的降臨
如果你能聽到心碎的聲音
沉默的守護著你沉默的等奇蹟
沉默的讓自己像是空氣

大家都吃著聊著笑著今晚多開心
最角落裡的我笑得多合群
盤底的洋蔥像我永遠是調味品
偷偷的看著你偷偷的隱藏著自己

如果你願意一層一層一層的剝開我的心
你會發現你會訝異
你是我最壓抑最深處的秘密

如果你願意一層一層一層的剝開我的心
你會鼻酸你會流淚
隻要你能聽到我看到我的全心全意

聽妳說妳和妳的他們曖昧的空氣
我和我的絕望裝得很風趣
我就樣一顆洋蔥永遠是配角戲
多希望能與妳有一秒專屬的劇情

的確

老鼠仔, 辛苦了

下次幫你
j j

食免費午餐 STS/STA

一連串的友人 Morning Assembly
可以食免費午餐

Morgan Stanley IT internship $40,000 vs 楊修之死

雞肋雞肋, 如果一個人被這樣形容, 那真是無臉目置於天地之下.........Apply Morgan Stanley Internship , HR 同家姐男朋友講「唉, 好的都去了Goldman Sex, 剩下來的一個唔得, 一個雞肋......無理由連xx 同xx 都唔識!!!......」家姐男朋友都話好離譜, 最離譜的是 internship 竟然比佢更高薪.......係個個時候, 我就諗...如果讀電腦、IT, 入Investment Bank 似乎遠比你讀Business 容易。而且如果去面試的是海牛, 我覺得他應該可以成功奪得月入四萬 Investment Bank 的 intern。唉, 又話讀 account 的好景? 好似IT好景一些!
我覺得好迷茫, 自己不是對會計十分有興趣, 亦無能力, 畢業後會唔會去到細 firm 為$8,000 人工捱生捱死又無前途呢? 自知生來不是橫財命, 所有的野都要靠自己努力得來, 又該如何努力呢???
對於 Big Four, 我可能連雞肋都不如........

歡樂過後

很多人, 一起在歡樂, 一起在歌唱, 忘憂, 減壓........
發洩情緒, 逃避現實, 盡情高歌喊叫...(鬼哭神號)
朋友之間的相處可以如此自然, 如此契合,
看到他們, 似乎就感覺到自己臂膀鬆弛下來......
沒有想飛體態特異的念頭, 因為佢話「反面」真係嚇親我。而想飛某人時, 看到有憤怒的跡象, 怕他黑臉反枱, 結果「想飛」了幾下就停手了。畢竟如此開心的局面出現反高潮會嚴重破壞氣氛。可是後果卻是被人「想飛」.........剛巧跌到正氣隔離, 見咁就手, 就想飛佢幾下, 見佢無反抗跡象, 臉上亦無不愉之色, 決定一飛到底。飛到咁上下, 見佢靜靜的躺著, 忽然之間, 我覺得很激動, 全身充滿力量, 似乎有一些火要發洩出來(不是慾火), 就不斷去馬.......事後坐佢身邊, 都怕佢嬲, 細心觀察..不過佢就算憤怒都唔會擺出來.....都有點後悔, 凡事都唔好去咁盡。雖然正氣係好玩得, 都要慎防萬一。
阿昇學郭富城好好笑, 算係全場高潮, 大家笑得上氣不接下氣, 海牛還笑得大力咳嗽起來..........阿昇永遠都咁搞笑。之後去了食 tea, 這個活動不錯, 大家可以說說心底話。說起大家生命中重要的女人, 似乎還很兒戲, 不算很深刻認真, 十年後再談這個話題, 應該可以談得深入一些吧。之後去了打機.....籃球機、頭D勁屎.....無野識玩, 純粹打發時間....
回家慶祝祖母生日、父親節、端午節.......祖母又大一歲了, 祝佢長命百歲!!!!!!
見到阿橙 msn online, 我 send 佢想飛影片, 佢很替我高興, 認為我得到情感的抒發。佢更提議下次轉對象(經常都係正氣), 例如識馬英雄、面部肌肉王等, 因為他們將會離開香港, 要好好把握機會, 佢仲話「dun say I suggest this」, 見佢咁 nice, 我都會慎重考慮考慮, 前提是佢地肯....而且會有再唱 K 的機會.........

我 send messages through msn to someone, 「你唔黎其實可以講聲」、「我真係提了你好多次」、「我唔介意你有事唔黎得, 但可以知會一聲嗎?」...................我的回覆是, 「我都係無黎一次only」、「你又唔係聽日 (就) 見我唔到」........
等一, 你唔止一次無黎而無出聲, 打籃球你都有試過一次。
等二, 我聽日真係見你唔到, 因為無約到 gathering 。不過我都相信我地一日未死, 一日都有可能可以在街上偶然碰見, 例如昨天在市中心, 我更提你唱 K ....你話「係咩?! 噢, 我真的忘記了....11:00a.m. 兆康輕鐵站? OKOK. 我會去, 放心。」人生就是如此奇妙。

某籃球愛好者又再次放飛機。我真係好想問佢, 點解約親你「非打波活動」你都先話 Ok 再臨時放人飛機? 我又無用槍指住你個頭叫你去, 你唔鍾意絕對可以唔黎, 如 Oscar, Pokemon Dong, 這是個人自由同愛好問題, 我絕對尊重。但你呢, 你有尊重過我嗎? 我至少打過兩次畀你 confirm, 兩次你都話 OK, ........而最奇妙是你唔去竟然唔同一個打過兩次畀你 confirm 的人講, 算, ...無所謂, 起碼有講......但你唔好講話搵我唔到啦....你無打過畀我, 我亦一直無關過電話.......你又無send offline messages.........當面講臨時放我飛機很不好意思嗎? 你面皮咁厚, 怕甚麼呢?? 止於打波先可以見你? 定你覺得我地只係波友, 同街場那些沒有分別...反正都係一齊打波.........
算啦, keep 到就 keep 啦, 想 keep 的就 keep 啦...唔想keep就由得佢, 強迫不來的。一段關係是需要雙方面付出才可以維持的。
這兩件事加上被人在電話用流利粗話問候的事件搞到我唔太想約 gathering , 好似正氣咁搞一些圈內熟一些的小型 gathering 也不錯呀!!! 算啦, 休息一下, 暫時唔主動約 gathering...畢竟我自己的事已經夠煩心。

高佬之安撫

T=Tallman
迷=迷途的小羔羊

迷: 點解咁多人死, 唔見我死?!
T: 因為你還有活著的理由
迷:~.~已經沒有了
T:為什麼...你還有愛你的人, 你還有生存的目標, 你還年輕..
迷: 我學業又追唔到...連女都走埋,...
T: 女...再搵過...天下咁多女, 學業...再努力一點, 永遠不要放棄
迷: 無架啦...我人生玩完啦.....我乜都無啦
T: 如果因為失戀而要死, 天下的總人口要少一半,你仲有生命, 仲有時間, 你還活著, 活著就有無限機 會,只要活著, 就有希望
迷: .....你點會明白, 你e+咩都有, 前途一片光明
T: 錯, 我無女, 更無錢, 依家連搵份 sunmer job 都搵唔到
迷: 你驚將來無咩
T: 但咁又點, 人生總是有起有落...沒有一帆風順的, 經得起難關考驗, 人才會成長
迷: 我都知沒有....但點解我順都未順過
T: 太消極悲觀了, play some games and hit j , relax
迷: ~.~你唔會明咩都無既感覺架啦,你最少都係大學生,有幾廿萬
T:有幾廿萬債務.....我畢業後要清還
迷: -.-government姐,又唔會追你還既
T:當然會追, 只是不會淋紅油而已
迷: 你驚還唔到咩, 你會計佬,前途光明一片
T:凡事都有兩面, 試從好的一面去看看吧
迷: 你教下我丫, 一個人咩都無晒,點先諗到係好
T:u are studying form 7?Just finished A-level exams?
迷: six
T:oh!? u still have one year, and one summer holiday to study,just try to have good planning for your summer holiday, make a schedule to organize your time...girls? so what? is it worthwhile to die because you lose a girl?!Maybe next girl is even more beautiful, even more suitable for you...who knows?For academic studies, it is not the time to give up now....it's too early...
迷: 你真係好積極....
T:我其實唔太係, 不過在安慰他人時, 就要好積極
迷: 你呢d 天才級,緊係啦, -.-個底又好
T: no, I am not clever...i can say.. I work harder than the others for at least three times(開始吹水)from form4 - 7 .....study study study...no love affairs....seldom go out to play, buy a lot of reference BOOKS, do many many exercises and past papers, from Monday to Friday....I only have 4-5 hours sleep per day, it's because i am not clever
迷: 嘩...咁都頂到?!
T:沒有東西會從天掉下來的, 所有野都要自己爭取,是很痛苦....但熬過了...也沒甚麼大不了
迷: 我有點....尊敬你...你係點做到
T:你現在應該沒時間悲傷.....因為未來還有更重要的事等著你去做..因為我有家庭、經濟壓力,我一定要上 U, 搵份好工, 養起頭家,it's my power
迷: 你邊有經濟壓力呀....係呢個monent...我覺得你真係好強有點尊敬你
T:我父母、我家人是我的力量
迷: =.=我屋企環境...家關係好差下
T:how about you? do you have power? any target?
迷: 我想有個安穩既人生,可以有個好平凡既家庭已經好夠
T : me too,但平凡的夢想都需要付出
迷: =.=你相信等價交換..
T:(誇, 吹) 我每天放學後, 有空就會去跑舊書店, 看看有沒有適合的參考書,一星期曾試過補習三天....放學後去補習....七八點先返屋企, 食完飯沖完涼即刻溫書做功課. 無功課就做練習, 兩三點睡覺.....朝早七點起身.......一邊搭車一邊溫書....
迷: 我都努力過...但總是考得不好, .但聽完你講之後...我發覺自己好微不足道, 你付出比我多好多
迷:-.-真唔真架 (被懷疑)
T: 小息睡覺, lunch time 食完飯睡覺, 學校又迫得緊. 試過一星期五個測驗...不是等價交換, 有些人可以很輕易的做到(such as Brian Lee..)...我相信任何事物都要靠自己努力..去取得
迷: .@.@咁你學校又係應該勁d既....@.@但你都憑努力做到.........你咩座架
T:不要放棄
迷: 你真係好勁,有d比你打動到
T:我獅子座, 朋友(阿田, 係田彩玉, 唔係田 x 俊)說獅子座的人總是好強要勝的, 有不服輸的精神
迷: 好強...真係比你打動到
T:加油, XX
迷: 我係你面前變得好渺小
T: 死絕對不是解決問題的方法, 只是逃避
迷:=.=但係,係一種解脫..我去自閉下先
T:加油,
迷:ok,我e+就去溫書!! 好多謝你!!
T:女無咪再搵過, 學業你還有時間追....不要放棄!!!
迷:好!不論結果如何,我都要爆盡
迷:@.@如果我account 同ue有野想問你...未知可不可以呢
T: (account?! 我好屎) 可以。
迷:真係好多謝你, 我e+去溫,出盡我每一分既力
T:要 keep 住每日都咁做 wor
迷:我會會日日都溫
T:撐到 A-level 完吧, 時間很快過的
迷:好!!我會努力

。完。

祝福

一班長久以來就一起相處的獨男, 一個個的脫離獨男行列!
文科班中只剩下我一個獨男, 理科班的就個個就漸入佳境
同桌吃飯,還有多少個毒男? 不多了,或隨年月逝去愈來愈少
想脫離獨男行列嗎?沒有很想, 也沒有不想。很平淡的心情
只是偶然在街上見到情侶親密的舉動會很羨慕....互相扶持呀...
一起創造屬於他們自己的回憶, 一起去體驗生命去歡笑去悲哭

另一位朋友正陷入痛苦與掙扎中。說實話, 這過程是難熬的
自己經歷過, 雖然只有一次, 但實在刻骨銘心....那忐忑不安的心情, 忽起忽落如潮水之漲退、日月的輪轉........說實話, 我很羨慕他。就像體態特異的最終目標是Professor, 努力對象是 Maths, 他還有可供努力的對象同前進的目標。加油, 朋友。你有你自己的優點, 不要妄自菲薄, 未開打先叫輸。不試過又怎知呢? 你知道我不太清楚情況, 資料不足下無法下精確判斷。可是易地而處, 如果我遇到了, 我就一定不會放過佢。盡我能力 6 As = action and action again and again。做朋友?! 我知道我無法安於做朋友, 每次見到佢都會令我的柔情密意被挑出來。我是很貪心的。勇往直前, 撞得頭破血流、頭暈目眩、頭崩額裂後, 學William 說一句" I have tried my best, and i have no regrets at all!"
加油! 我祝福你, 朋友!祝脫離獨男行列!

二零零八年六月一日(星期日) 晴

昨晚一口氣 send 了接近十封 Application letter, with nearly the same resume and cover letter. send 了後來很睏, 又煩又厭, 每一封都很求其........ 為什麼生活中那麼多挫折呢? 聽智者說, 挫折是磨練, 教人成長。好吧, 既然如此, 我不會放棄的。再努力一些吧。不知道自己在忙甚麼, 好像每天都很忙, 很多事情要幹, 但最重要的 FYP, IETS, 甚至Internship Application, graduate offer preparation 都未能做得好。我的時間管理太差了!!

大朝早起床去了打籃球, 岑西比我準時, 原因是他以為約八點.........我跟他射波射了大概半小時, 小白跟昇就來到了(@九點)...。我們百無聊賴地玩籃球遊戲, 最後見無其他人來, 決定二打二。不一會, 我已經汗流浹背、氣喘如牛。Simon 來到, 其後甘國銳也到了 (我猜當時已將近九時三十分, 但我其實約八時三十分) , 我們終於可以三打三。我竟然同波王王文達一隊, 仲有神童昇, 基本上打波無難度。我一直行行企企, 不太認真, 一來自己體能差, 跑兩跑就面紅心跳氣喘; 二來也不想受傷, 故極其頗廢。但倚仗兩位可靠的隊友, 一直無輸過波。

其他人陸陸續續的到來, 我開始考慮下次約八點, 自己就九點來.......不過小白話其實一樣, 人要遲到總會遲到, 佢要十點黎, 你約幾早都無用。佢有 point! 兩位正氣聚頭, 奕華正氣堪稱人中之龍, 籃球之霸, 他在球場上飛來插去, 無人能擋。球賽前半部我都 一貫的 hea 下 hea, 但到後來佢變本加厲, 連續轟入數球, 個個目瞪口呆, 於是我認真起來, 不過都係守佢唔住, 最後與小白二夾一才箝制到佢, 最後一分打了好耐。可惜俾 Chee Chee 轟入天外金球結束場球賽, 終於輸番一場。我事後檢討, 是因為我一開始防守佢時太 hea, 到後來分數拉遠了就好難追。加上打了太多場, 實在很累。

我不明白為什麼自己身體可以有咁多鹽分, 件衫濕透了, 臉上的汗水跑入眼睛, 流入嘴巴, 都感覺到鹹分。難道我身體可儲很多鹽分嗎?我這天打了一場半認真的球賽, 半場對奕華正氣, 一場對天外來客.........竟然敢踩場!?!?!? 抱歉的是, 我外圍完全唔準, 唯有籃底屈機, 屈到佢地好無隱。唉, 我都好無奈, 亦有點內疚感, 不過我球技咁屎都無辦法..................只可以承認自己廢哂武功, 離中七高峰期愈來愈遠..........大碌金非常積極, 又跑又射又搶, 我懷疑佢的精力邊度黎.......小白神技一顯再顯, 全靠佢先可以連勝咁多場。另一位 N 年無見過的浩然正氣朋友, 佢渾身正氣地穿著長褲出現, 衝勁地打波, 衝勁地舊患發作, 受傷後又衝勁地打波。點解可以咁衝勁? 佢防守好好, 射波亦準(準我好多)。

最後一場四打四簡直累得不得了, 感覺身體好沈重, 無力跳起, 又跑唔到, 只好在籃底行黎行去等運到。大碌甘盡情狂奔, 在場上奔來奔去, 點解可以咁衝勁? 奕華正氣在場上如一條龍般飛來飛去, 點解可以咁衝勁? 好彩有大碌甘防守奕華正氣, 隊中已沒有人能跟到佢的速度。沒有海牛在場, 在籃底下輕鬆很多。說起來, 又有人放飛機唔黎, 而且唔止一人。今次我原打算不打電話去催佢地, 任佢地幾時黎就幾時黎, 費事畀人臭罵, 但最終都打了去....佢地的留言信箱。

事實是兩位放人飛機的朋友不斷有人問侯, 「佢幾時黎?」我點知呢? 「佢黎唔黎家!」我更加唔知, 不過你見佢電話都無打黎你應該就知佢會唔會黎啦?!? 我沒有約某位清晨臭罵我的朋友, 奇怪的是/果然 沒人問起佢, 我發覺其實一直都係我自己一廂情願地想將他加入個圈子, 其他人似乎一早留意唔到佢的存在。

完事後急急返家洗一個舒服到痺的澡....除衣服時件衫仲因太濕而緊緊貼在身上除唔到......洗完澡後我發覺自己走路都好勉強, 但問題是我必須立即開電腦上網抄中二數學雜作俾個補習學生(前幾日又唔做...) 我抄抄抄, 仲要抄下答案, 防止佢唔識問我時可以回應佢。抄完急急出門, 去到見唔到個靚太, 有點失望, 跟住開始補習, 佢問我一條數學, 我計唔到........佢答錯一條題目, 我指出錯誤, 佢反駁話無錯, 我信以為真, 仲有尷尬, 但原來我才是對的.....唉, 數學。我 hea 了好多時間俾佢做練習同講作文佢聽, 最後算過關...不過佢居然俾功課我做, 叫我幫佢睇數學習作......回家有排搞........臨走靚太出來畀錢我, 仲同我講了很多佢個仔的瘀野, 搞到佢發脾氣。一講就講了半小時, 如果唔係靚太, 等二個我一早走了。佢最後仲唔好意思前唔好意思後, 話補錢俾我, 我仲懶瀟灑話唔駛.......事後有點後悔............補後, 我累得不得了, 趕快回家休息。

去到西鐵站, 我忍不住在零食店買了令人懷念的「維也納腸」同一條「辣肉腸」。我記得以前小學時自己好鍾意食佢, 但當時沒有零用錢, 所以如果小息時好不容易買了一條就會樂在其中地咬食, 非把整條都食得乾乾淨淨不可, 連張橙色皮都不放過, 非要連一點肉粒都看不到為止。吃「維也納腸」同一條「辣肉腸」要用剪刀剪開條腸個頭, 但當其時我沒帶剪刀, 我在西鐵走回家途中迫不及待地用小學時的方法 - 用口咬開佢, 再用口吸佢的肉出來, 吸到吸不出來後就用手用力推那些肉出來。有點怕別人見到, 不過腦海中有好多快樂的回憶湧現。小孩子總是最容易滿足的, 不過現在的小孩子就.......
我個小四學生有電腦, 有 GameBoy Colour, 有手電, 有無數故事書, 有電子字典, 有好多好多玩具, 佢去過海洋公園唔止一次, 又去過迪士尼樂園, 佢阿爸仲話如果佢考試考得好買 NDS 畀佢......so 佢又懶又蠢又百厭, 難為佢阿爸咁叻.....我的童年簡單, 但很快樂。難為我祖母父母對我如此容忍, 如果我將來個細路係我以前咁百厭, 或好似個小四補習學生咁驕縱 , 我要佢求生不得, 求死不能, 我要用體罰令佢對自己的行為負責, 令佢知道甚麼是對, 甚麼是錯, 而且物質生活將會極其簡單, 教佢金錢的正確用法......智者話:「你條xx結到婚先算啦」又口岩。

睡覺, 累了。

拍野

其實每次去到都好忐忑不安, 無人會講俾你知會做甚麼。你有點緊張, 因為對方竟然 expect 你是專業的演員, 會有漂亮的表現。呆等了一個鐘, 終於可以拍, 幾句簡單的對白、動作都要拍成個半鐘, 同一組對白同動作重複了十幾次, 後來愈講愈流暢, 不過當佢拍我 close up 時, 還是有一點緊張, 能夠聽到自己心跳聲。同場還有一個做食品公司大粒野的男子在等待拍野, 佢比我更慘, 怒等了二個半小時, 當我走人時佢先開始拍, 勁慘勁痛苦。

三個小時, 加兩個小時 Traveling 時間, 只值二百大元。還要換衫、gel 頭、俾車費, 真是得不償失.......其實都唔係為錢, 為玩為經驗而已........不過好心 HSBC 拍野唔好咁「縮」啦, 一個鐘都無一百元, 真係廉價大咖。我真係想知公司到底抽幾多佣........

回家途中收到「數學特異」打俾我, 告訴我我有單人房, 原來天下還有好事會發生, 真好。下個 sem 就可以跟體異一個宿舍, 更有可能同一屠隔離房。我決定多做掌上壓, 以求開學後能以絕對優勢想飛佢個 body。
回到家仲要 prepare Form 2補習事宜, 還要 send application letter ......努力呀!!! Rainbow comes after the rainstorm?!

http://video.google.com/videoplay?docid=-8187878419242426023

啞哂.....
完全唔同世界的人....

到了現實

令日去了幫一個百周年的中二學生補習, 全程 9 up, 數學唔識, Integrated Science 更是老吹一番.........總之我唔明點解佢要補習....。唉, 看來要溫書。馬死落地行, 風光日子不再, 沒辦法.......我現在覺得跟小四學生補習也不是那麼差......佢阿媽幾好看, 風韻猶存。完事後佢仲即刻俾現金我, 十分爽, 決定補落去。加油!!!!!!
努力搵 Internship, 畢業後一定要有 offer 呀!!!!
明天去拍野, 希望唔好太困難啦......自覺唔夠人醒, 好多時唔識執生, 又無人提點你...個種感覺好恐怖..唔講你知要做甚麼, 去到先知....完全無得預備.....。其實唔係為錢, 只係為玩而已....放鬆一點吧........
放了 GPA, 沒甚驚喜。失望是預料中事, 畢竟自己太懶散, 太不要得。體驗了「體異」 GPA 的恐怖, 佢仲要話「對自己 GPA 無失望」、「we're in different worlds」....來寸我....算啦, 過 3 就算。踏入九月份, 搵工為上, 同時我想試試在無莊的束縛下努力讀書, 看看成效如何。
現實是痛苦而充滿失望的。我活在現實之中, 就要抵受痛苦。我要熬出頭來!!!!

who is M神 ? who is 智者 ? who is 體異 ?

俗: see my blog
M: ?
M: ...... :0)....=.=
俗: who is M神 ? who is 智者 ? who is 體異 ?
M: 係lor, 係乜水呢?
俗: who is 體異
M: 唔 x 知!
俗: what means by 體異? Is it 體態特異?
M: 唔知ar!...你話係咪係lor!..你都幾無聊下wor!...is it your way to obtain fun from your boring life??..being" plastic" is your way to get pleasure...ummm.... very unique!!


to be continued

與M神對話, 與智者對話, 與體異對話

俗世迷途羔羊: why life is so hard
M神智者體異: life is always hard, no reason

俗: Is life hard for you, xxxxx?

M: certainly

俗: I dun think so, U did not experience any great failure...Life is hard because we have demands for life, right? If we only have minimum demand, we will not think life is hard....

M:men will automatically demand a higher standard when more basic need is satisfied, just as when you can eat rice everyday, you won't satisfy with the ability of having rice, but rather you'll require the rice has a better quality. the hardness depends on whether your demand is much higher than what you already have and your capability
it follows that life is hard and able to survive is already not easy cannot take it for granted

俗: but if life is to live, it is too boring and meaningless

M: life is to live, that's the major and essential target. But to avoid boredom and create some meaning, you need to do something extra, not necessary to your living, such as playing computer games, reading comic books, "hea", developing some other interests...sometimes fun can be produced out of boredom~it depends on how to live and see things

俗: I dun need much fun, but sense of achievement

M: what is a sense of achievement?someone just able to finish some little tasks already can get it

俗: I need outer and external achievement to ensure my ability and recognize my existence

M: ummm... somehow it may be hard to achieve you mean see it as a long-term target better find something easy and little to achieve, so that you can have some fun and be happier during your road to succeed

to be continued....

放暑假都幾忙, 無日得閒

今日去了見FYP Professor, FYP 真係好黑人憎.......
今日去了見工, 又做筆試、又面談, 廣東話表現好過英語好多
成日去 casting, 無次得
成日去 Interview, 無人收
真灰
成日奔波, 好討厭

球場上的汗水

又去了打籃球。我是最準時到的, (是我上莊覺得自己有得著的地方:責任感)...呆等了數十分鐘, 一邊不忘拉筋做熱身運動。喜歡打籃球, 正確來說, 是喜歡跟大夥兒一起出汗的感覺, 很爽。看到 Simon, 他還是很胖(印象中, 他沒有瘦過) , 他的小腿是我、陳嘉銘、梁子豪的兩倍。 陳嘉銘愈來愈打得好, 我看著他幾年來不斷進步, 佢又高又壯, 現在籃底之下佢已屈機, 無人可箝制佢。岑西進步極大, 偷波、搶板、防守全部做得幾好, 看得出是盡了力的去打。自己卻打得不好, 反應很遲鈍, 體能亦差, 打了一會便喘氣, 汗浸濕了整件上衣, 而且很快就有疲累的感覺。不過打了超過一小時後, 情況好轉, 愈打愈起勁。可惜後來下雨, 而且愈下愈大, 十點多就被迫到餐廳坐低食野吹水。很開心, 阿昇很健談詼諧, 賜賜很會令人發笑, Lovely BeaBea Tommy 非常風趣可愛, ........大家都有說不完的話題, 整個餐廳都聽到我們的笑聲。我會記住這一刻的。在我的人生裏, 出現過你們。

今日打球見番一個我曾經放棄了的中同, 原因是佢主動同我講野並答應打波。佢重要最早到,(雖然無人準時), 算了, 想通了, 朋友有甚麼不可以原諒的, 他也沒有做甚麼十惡不赦的事。以後還是朋友。下次再一起打波吧。

今日打球見番一個大家曾經放棄過的朋友, 因為一件小事同誤會(我個人認為)。Simon 話其實無野, 佢都覺得件事好無謂。朋友總會有爭吵的時候的, 總要有人讓步吧。讓我做和事佬吧。基本上大家都覺得今次再聚感覺良好, 沒甚麼不協調的。下次有機會再聚吧。畢竟你總是能帶起歡樂的氣氛, 令人可以忍俊不禁、開懷大笑。對我們來說, 每一位現時的朋友都有其重要性, keep 到就 keep 啦。希望你下次也可以出來聚會。

今日打球約人有一些不開心的事, 我宣佈放棄某位中同。我最討厭別人用敵意的粗話直接罵我, 我會立即黑面、記仇, 說笑的粗話不同。佢仲要一連串狂爆, 好似我做了甚麼十惡不赦的事。次次你都最難搞, 甚麼「唔知, 黎到就黎」、「你當住我去先, 遲下答你」跟住無件事、講了「黎」後卻放人飛機 without any apologies or inform anyone, 話佢仲要毫無悔意:「是嗎, 唔知 wor」.........。我一直都無放棄你, 次次都約你, 無論生日聚會、打球、行山.......有邊次無約你, 你又來過幾多次?? 算了, 既然你無心, 我都唔勉強。我有甚麼辦法, 我只是想提你起身去打球, 你好多次都因為睡覺唔知醒黎唔到,....... 而且之前下過雨, 我怕你以為打波取消.....你又無手提電話, 我唔打去你屋企又點聯絡你呀?? 我知我魯莽, 亦有過錯, 既然做朋友做到咁辛苦, 算啦。人夾人緣, 恐怕我跟閣下相處唔到。
你每次吊兒郎當帶點惡劣的態度已叫我強烈不滿。「起唔到身, 點解唔較鬧鐘?」「唔知wor, 總之無較到」語氣非常平常, 渾不當一回事, 亦無歉意, 好像是說, :「唔黎咪唔黎 lor!」我決定以後唔約佢, 如果其他人搞聚會而有約佢, 咁我都盡量避免見面才好, 我可不想再被人以流利粗話問候。

其實你唔鍾意打波, 可以坦白告訴我, 沒甚麼大不了的。不用另找藉口, 更加不用騙我。你可不是一個善於說謊的人呢。

http://youtube.com/watch?v=fpDZQ3_Htv0

http://youtube.com/watch?v=fpDZQ3_Htv0
好屈機
真係好屈機

正氣歌

原本「正氣歌」打了幾百字, 誰知當機, 全部無哂
很懶, 不想再打。
正氣, 要充滿正氣呀, 人生本就是充滿挫折和失望的。
不要太介懷得失, 也不需要去羨慕別人。
你就是你, 不必感到自卑, 盡自己能力就可以了。

很慶幸自己仍有一般人的智力,
當我幫我的補習學生補習後。

知心朋友, closed friend, 朋友K 事件

朋友的作用是甚麼?
歡笑時又甚麼分享, 悲傷時又甚麼安慰, 困難時甚麼協助.....
小學作文曾經寫過.算啦, 是奢望, 有空大家出來見一見已經好好
現在的朋友似乎就只限於有空大家一起去玩樂, 除了這個還可以要求甚麼呢?
朋友說起"closed friend"問題, 說真的, 我一個名字都想不出
我甚至不知道甚麼是 closed friend, 是一起嬉戲玩樂以外能有其他的心靈交流嗎? 例如講心事? 經常在一起? 經常聯絡????.......如果是這樣, 對不起, 沒有。
無法對朋友要求太多, 他們各有各的生活和社交圈子。
對我自己而言, 女性朋友極少數, 不太曉得怎樣相處.....
男性朋友中有不少交了女朋友的就真是有異性而已, 不過這是男性本能, 沒辦法。勉強不來。你永遠都不可能成為同性朋友中生命中的主題。
到了畢業, 大家都有大家的工作, 就更少機會見面。最重要的, 是工作、愛人、親人, 朋友只能排到好後好後的位置。
Keep? 都要大家都肯付出才可以。

脆 弱 的 強 權

蘋 論 -- 民 族 主 義 中 國 ： 脆 弱 的 強 權

由 最 近 「 奧 運 瘋 」 所 掀 起 的 民 族 主 義 狂 潮 ， 瞬 即 在 內 地 由 各 級 領 導 踩 急 煞 車 ， 說 變 就 變 ， 要 收 就 收 ， 使 人 們 想 到 ： 民 族 主 義 究 竟 是 北 京 政 權 所 信 奉 、 所 提 倡 ， 並 要 以 之 凝 聚 人 民 向 心 力 的 手 段 ， 還 是 北 京 所 畏 懼 、 所 擔 憂 ， 故 當 民 族 主 義 的 狂 飆 一 起 ， 就 立 刻 予 以 壓 抑 的 東 西 ？ 又 或 者 ， 如 有 人 說 的 ， 是 雙 面 刃 ？
最 近 出 版 由 美 國 著 名 中 國 通 謝 淑 麗 所 寫 的 一 本 書 ， 嘗 試 回 答 這 問 題 。 謝 淑 麗 ， 是 Susan L. Shirk 的 中 文 名 字 ， 她 曾 任 克 林 頓 政 府 的 助 理 副 國 務 卿 ， 現 任 加 州 大 學 聖 地 牙 哥 分 校 授 ， 並 領 導 希 拉 莉 競 選 團 隊 的 中 國 顧 問 小 組 。 謝 淑 麗 是 最 早 獲 准 前 往 中 國 從 事 研 究 的 學 者 ， 時 在 1971 年 7 月 ， 與 美 國 派 去 的 密 使 基 辛 格 同 一 時 間 。
謝 淑 麗 新 書 的 書 名 是 《 中 國 ： 脆 弱 的 強 權 》 （ China ： Fragile Superpower ） 。
從 經 濟 、 軍 事 實 力 來 看 ， 謝 淑 麗 認 為 ， 中 國 也 許 是 崛 起 的 強 權 ， 但 這 強 權 卻 是 「 脆 弱 」 的 。 「 中 國 領 導 人 與 所 有 政 治 人 物 一 樣 ， 政 治 前 途 是 他 們 的 首 要 考 量 。 他 們 不 須 經 歷 選 舉 的 煎 熬 ， 但 得 忍 受 一 般 民 主 國 家 所 不 必 承 擔 的 政 治 風 險 。 對 手 有 可 能 將 之 罷 黜 ， 群 眾 示 威 也 可 能 讓 他 們 一 夕 垮 台 。 」
因 此 ， 照 謝 淑 麗 的 說 法 ， 中 共 政 權 的 「 脆 弱 」 在 於 它 的 政 治 體 制 。 有 民 主 選 舉 的 國 家 ， 儘 管 有 許 多 風 風 雨 雨 ， 有 國 會 、 輿 論 的 爭 吵 不 休 ， 選 舉 的 煎 熬 更 是 讓 人 脫 掉 幾 層 皮 ， 然 而 一 旦 獲 人 民 投 票 授 權 ， 領 導 人 就 有 堅 穩 的 權 力 基 礎 ， 有 法 制 保 障 ， 不 會 輕 易 被 罷 黜 。 但 在 專 權 政 治 下 ， 一 場 學 運 就 讓 胡 耀 邦 下 台 ， 再 一 次 天 安 門 民 運 又 讓 趙 紫 陽 下 台 。 即 使 在 香 港 ， 一 場 03 年 五 十 萬 人 上 街 ， 也 讓 董 伯 下 台 。 專 權 政 治 表 面 看 不 到 有 反 對 力 量 ， 甚 至 在 內 地 也 沒 有 輿 論 對 掌 權 者 之 監 督 ， 似 乎 權 力 相 當 穩 固 ， 但 實 際 上 卻 是 脆 弱 的 。

民 族 主 義 狂 飆 的 歷 史 ， 不 能 不 讓 北 京 掌 權 者 警 惕 。 孫 中 山 「 驅 除 韃 虜 」 的 民 族 主 義 革 命 ， 把 滿 清 推 翻 ； 中 共 革 命 也 以 反 對 國 民 黨 勾 結 美 國 而 煽 起 民 族 主 義 情 緒 並 奪 得 政 權 。 為 怕 重 蹈 前 朝 覆 轍 ， 中 共 「 想 盡 辦 法 也 要 站 在 民 族 主 義 的 浪 頂 」 。 毛 澤 東 開 國 時 一 句 「 中 國 人 民 站 起 來 了 」 ， 建 政 後 的 超 英 趕 美 大 躍 進 ， 其 後 與 蘇 聯 爭 奪 共 產 主 義 意 識 形 態 領 導 權 ， 文 革 時 提 出 「 中 國 應 當 對 人 類 有 貢 獻 」 等 等 ， 都 是 要 搶 佔 民 族 主 義 浪 頂 的 舉 措 。
謝 淑 麗 認 為 ， 中 共 政 權 的 危 機 來 自 其 取 得 政 權 正 當 性 的 脆 弱 ， 及 領 導 人 的 劣 勢 感 。 它 利 用 民 族 主 義 情 緒 來 建 立 統 治 的 正 當 性 。 但 人 民 對 內 政 的 不 滿 已 導 致 平 均 每 天 發 生 220 宗 各 地 抗 議 事 件 ， 一 旦 這 些 事 件 釀 成 大 規 模 的 示 威 運 動 ， 反 對 者 會 祭 起 民 族 主 義 大 旗 而 導 致 政 權 （ 或 掌 權 者 ） 垮 台 。
謝 淑 麗 認 為 ， 真 正 危 害 到 美 國 的 ， 「 不 是 中 國 強 大 的 經 濟 或 軍 事 實 力 ， 而 是 中 國 政 權 的 脆 弱 。 美 國 若 不 能 體 察 中 國 領 導 人 的 諸 多 恐 懼 ， 就 可 能 會 和 中 國 發 生 衝 突 。 」 比 如 台 灣 正 式 宣 佈 獨 立 ， 倘 中 共 按 兵 不 動 ， 憤 怒 的 群 眾 或 軍 中 民 族 主 義 勢 力 就 可 能 推 翻 中 共 政 權 。 若 領 導 人 認 定 政 權 的 存 亡 繫 於 此 ， 就 會 對 台 動 武 以 阻 擋 內 部 的 羞 辱 。 而 美 國 若 不 作 反 應 ， 「 那 麼 美 國 在 亞 洲 、 乃 至 於 全 世 界 的 威 信 恐 將 無 存 」 。
沒 有 民 主 基 礎 ， 一 味 靠 鼓 動 民 族 主 義 情 緒 來 維 持 正 當 性 的 政 權 ， 雖 表 面 強 大 ， 但 實 質 脆 弱 。 這 種 脆 弱 會 導 致 非 理 性 冒 險 。 這 是 謝 淑 麗 這 本 書 所 作 的 結 論 。

好複雜

這個世界好複雜
大人的世界更加曲折離奇, 甚至令人作嘔
錢真係可以腐蝕人心, 摧朽人的心志
為了錢, 真係可以不擇手段
親人朋友...甚麼的都不顧了?!
錢銀問題可以令難兄難弟反目成仇
好複雜, 真係好複雜
光是身邊的已這樣, 那出到社會又會怎樣呢?

下次 下次, 是下等的級次; 還有哪時, 讓我悲傷不止

Dear student,

I am sorry to inform you that your application is not successful. The School received 59 summer internship applications and nominate 10 students to the Treasury Dept., thanks for your attention.

Regards,
XXXXXXX
XXXXXXXxXXx
XXXXXXXXXXX
XXXXXXXXXXXX

補習受氣

每一次補完習後, 我都有鬆一口氣的感覺
每一次去補習時, 我都有極不情願的感覺
每一次補習途中, 我都要發火發嬲發脾氣
每一次幫佢補習, 佢都展現佢的又懶又蠢

我好似同空氣講野, 同自己講野,
我以前都好懶, 但都未至於未做完功課就睇電視
成績唔算好好, 但未至於要在合格邊緣掙扎求存
話佢佢唔聽, 教佢又唔留心, 教十次都唔識,
功課最好講個答案畀佢知, 畀家課佢又次次唔做畀我
真的受夠了, 補中學生會唔會好一些呢?
我根本不知道要如何教佢。小孩子仲要發我脾氣, 哭, 大聲叫
仲要有一些暴力傾向, 喜歡插人小弟弟, 幸好佢力度不算太大
為了錢, 就只是為了錢。
將來呢? 要為錢而被迫做一些不願意的事嗎?

昨夜發夢

回到中學時期, 發數學考試成績, 得到比C-更差的成績
我仲見到翁 sir, 我向佢求分.....

體態特異上身, 八x魚「賜」我力量

Maths + English

PK la, tmr Aptitude test

All pens are elephants. Some elephants are cats.
(Some pens are cats, wrong)????
(All pens are cats , wrong)????

Some green are blue. No blue are white.
Some green are white, correct, why???

打籃球

好久沒有打籃球, 已經忘記點打了, 一開始完全手腳唔協調...
可以出汗的感覺真好, 感到身體的毒素都排出體外。
去到後來都不在乎勝負了, 反正當開開心心的做運動吧。
之後去了飲茶。十個大男人食了三十碟點心, 無他, 有 seaocw + 體態特異 + Oscar, 他們三人每人可抵兩人。seaocw 的口頭禪就是「唔飽的!」, 四人食Na can 喊四個小菜佢話「唔飽的!」, 食雲吞麵兩碗都話「唔飽的!食幾多碗都唔飽!」......食野求飽好正常, 但唔知從幾時開始, 我食野已經不求全飽, 食物的精緻同味道似乎更加重要, 嚐過了, 有半飽, 足夠了。以前多吃飯, 少吃菜; 現在對飯則興趣不大。飲食習慣是改變了。以前吃一餐飽好耐, 現在就少吃多餐。
不想太胖, 想有肌肉。

死的不是政府官員與商家？！

有報道指，地價發生前，四川的政府官員曾經收到不少消息，「謠傳」四川將會發生地震。有人在網上發表文章指地震有可能發生，又有一些怪異現象如大批的蟾蜍、老鼠在大街上公然走來走去。政府官員在官網發表文章澄清事件，指地震毫無徵兆要發生，但有趣的是，該則公告在地震發生後卻再也找不到，懷疑被人刪除。「地震是很難預測的。」對呀，所以地震局的職責不在預測預防地震？！，而在？．．．噢，對不起，我不知道。我真無知。正如沙士後楊永強無需為此負責一樣，死幾多人都好，關我屁事？是天災，是天災。

這次事件沒有任何一個人需要落台或出來負責，反正是天災，天災就與人為無關，地方政府官員可以穩如泰山的保有飯碗。反正地震還未發生，一切都是謠言。若然影響中國的形象、奧運的進程，哪還得了？要太平，要無事。生的人是沒有方法可以討回公道。死去的人又可以去哪裡申訴呢？去鬼門關、閻羅王前咀咒那些敷衍塞責的官員，讓他們下十八層地獄吧。

有報道指，許多學校倒塌，壓死不少師生。中央撥款、善心捐款盡化瓦礫碎石，鋼筋水泥跑去嫖賭飲吹！對呀，只有布鄉村受影響最深，城市尤其政府官邸美輪美奐、固若金湯，十級地震都震佢不倒。你猜地方官員是否知道學校的建造偷工減料？你說他們不知道，太陽就從地底跳起吧。官商原本一家，大家相親相愛，死的只是賤民老百姓，死再多都不足惜。

就讓世界各國都來幫忙吧，展現世界大同的人類愛！香港奉獻金錢給四川災民，其他各國輸入救援物資．．．那國民呢？平時喊心在祖國的糞青和懷念故土的華僑呢？平時不是經常拿香港和上海比較嗎？繁榮都會上海呢？在哪裡了？

中國的外匯儲備的増幅又上升了。有貿易順差，有驚人的國民生產總值的升幅。拿錢去發展科研吧。拿錢去外匯基金吧。太多錢了，怎麼辦。抗震的建築物料永遠不會輪到鄉村的學校，防禦警報設施也太昂貴了。我們不同日本，我們有太大的地方，太多的人口，無法將所有建築物都有防震的配套。你只能自求多福，祈求地震不要再發生。反正三十年才出現一次大型地震，算得上甚麼呢？

一口氣, 不斷不斷

Application x 9, send resume and cover letter x 9
我知道有人比我更瘋狂。但我很累了, 很厭倦。
等幾天, 如果沒有回音, 才再來吧。

哈! 一小時才一百五十元, 還要早半小時到達, 還有車費、搭車時間....
真的不太想去。不過很久沒有 job 了, 考試時回絕了很多, 怕再拒絕佢就不再搵我。甚麼扮路人甲接受訪問, 為什麼要這樣做呢? 有人相信嗎?

滅絕人性

為什麼要發國難財呢?
你騙取捐款, 於心何安?
你的良心何在?

國殤

五萬人, 實際死亡人數應該遠超這個數字
五萬人, 相對中國的總人口而言, 真是九牛一毛
五萬人死亡的背後有多少動人故事呢?
死者不幸, 生者亦不見來能逃離地震的陰影。
老母親失去年青力壯的考順兒, 萌生「隨他去」的念頭, 就算生存下去, 她也不會快樂;
沒有了老伴、挈愛、妻子兒女、屋舍......對, 甚麼都沒有了, 只剩下一條生命, 苟延殘喘的活下去。應該更努力的生活, 積極重建家園, 過快樂美滿精彩的人生, 讓天國的親人安心, 把死去的人的份兒一併活下去。
生活在香港還是幸福的。有生的喜悅, 沒有死的痛苦。

為什麼自己這麼遜

真想變強

把悲傷留下

不知怎的, 人大了, 好像愈來愈脆弱。
害怕聽到不快的消息, 害怕羈絆痛苦, 不想看到討厭的人, 不想與人爭執, 只想把快樂的回憶保留, 找尋快樂, 把悲傷驅走。我不想憤怒, 那實在很秏精神。而且憤怒與悲傷都需要極度的專注, 我為什麼不把這種專注放到其他更需要精神上的專注的事上面呢? 情緒大起大落很傷身子的。
如果你要找人吵架發洩, 請找別人。對不起, 恕不奉陪。
男人應該心胸再廣闊一點, 無奈自己一直做不到。但是自己又要求別人有這等心胸, 真是不可理喻。其實我自己知道, 很多事其實沒有所謂, 真的, 不值牢記心中讓自己難受。值得嗎? 既然錯不在自己, 為什麼要給自己氣受? 人生在世, 應該快快樂樂的生活下去。反正日子總要過的。
我更正想法, 我覺得體態特異可以找到女朋友, 因為他脾氣好, 容易相處。(不太記仇?)

跟未來的醫生慶祝生日, 在他們面前我很放鬆、很快樂。希望這段關係能持續下去吧。對大學同學不抱期望, 他們好像總是很冷漠的樣子。我有嘗試, 但不成功, 也就算了。
體態特異說他無法改變自己, 其實不然。我從來不會在 gathering 中表現自己的不開心與複雜的感情。一到 gathering 我就會變得健談, 開朗, 風趣, 好像很玩得。收起平日要死不活的一副面孔。而且盡量表現大方, 無所介懷。所以中三前沒有朋友, 中三轉變期, 中四五成長期, 中六七收成期。中三前的我, 現在看起來很恐怖, 一定認不出自己。不過這一套對大學同學好像沒有甚麼用, 他們並不欣賞你的假風趣, 只會覺得你無聊、幼稚、程度低。體態特異說我 "social network 大, 朋友多", 其實不然。最 keep 得好或我覺得最珍貴的, 依然是中學同學。那就是為什麼我很多時, 就算很忙, 我都嘗試搞活動 gather。怕寂寞嗎?不知道。應該是怕沒有朋友。怕無助。

放開你的心懷吧。八百年前的事還記它作甚。而且你還比我們年長十幾年, 怎麼還跟我們這種小毛頭斤斤計較? 說真的, 我覺得是小事, 可能你覺得是大事。如果你覺得這是大事, 還一直為它感到不開心、憤怒, 而偶然在 msn 見到「他」就要好好發洩一番, 那你為什麼不穿起裙子, 做一個女人?說得嚴重了, 請別介意。如果你覺得大家相處有困難, 那就算了吧。我只是不想為這件事跟你理論半天, 三番四次道歉後你仍然不能釋懷。把這樣一件事當作天大的事而耿耿於懷, 說真的, 如果我是女人, 我一定不敢把自己的人生交付給這樣的一個人。

我真的不想爭執, 很怕。但事實上自己又常常很執著, 又脆弱又執著。.......

飛機友

說真的, 我放棄了。
如果你咁唔想去, 點解唔一早話唔去。
答應去, 但臨到前一日的晚上又話唔去, 想點。
這段關係就真的是那麼不值得你珍惜嗎?
正氣話「你都成日遲到啦!」對不起, 我知我有問題, 但我覺得兩件事係唔同性質。我認我貪睡不知醒, 但我其實好重視信約同友誼。
第幾次呢? 我不記得了。最少都有十次了。我無法忍受, 你語氣仲要毫不在乎, 輕描淡寫的交代你唔去得, 一點慚愧的感覺都沒有。朋友 X, 你是對的, 逐漸的疏遠他吧, 沒必要再單方面的付出。不值得。

今日又去了做 gmy

連續等三日了。
肌肉有點疼痛, 肌肉力量比高峰期差得太遠
以前曾最多每日連續做五小時, 一星期五次
現在半小時已經累了....
打籃球亦然....很快就累了
現在很容易傷風、喉嚨痛、頭痛、疲倦....
真差勁。

明天就要見到體態特異, 以我現在的實力又怎能盡情痛快地 enjoy his body 呢? 要令佢無法反拒實在很困難, 看來還要多加鍛鍊, 務求在九月開學時能完全壓制佢的力量。我有目標讓自己前進。By the way, 晚上睡覺時又再次被迫聽到一些肉 x 野, 雖然如此, 其實我還是好羨慕, 畢竟我沒有一個對象讓我可以說這些說話。說真的, 對看了眾多愛情小說和台劇、日劇的我, 我如果要肉 x起上來, 我相信自己可以好肉 x。開始有點憧憬, 但是又有點怕責任同煩惱。.......矛盾,.......

生命的趣味

人生苦短，有多少人曾經想過如何尋找生命中的趣味？何謂趣味？有些人覺得這問題是何等的深奧，其實答案就在眼前。

上帝創造這個世界就是為了孕育生命嗎？人類出生就是等待死亡來臨嗎？不﹗人類出生就是為了享受生命，尋找箇中樂趣。試想想，當你置身於大自然之中，閉著眼 享受溫暖的微風，聽著蟲鳴鳥叫，帶著青草和花香的味道充斥著你的呼吸，被樹葉篩著的陽光輕灑著，交織成一片寧靜詳和的景象。心情是否喜悅輕鬆？恭喜你﹗你 已找到生命的樂趣之一了。能夠親身感受大自然，四周生意盎然，萬物充滿生機，彷彿在傾訴對生命的熱誠，洗滌你的心靈。你懂得欣賞山林之樂而樂其樂嗎？

我們能夠和身邊的人相處亦是樂趣之一。朋友為你舉辦生日會，你高興嗎？你為朋友解決了問題，開心嗎？這種關係是雙向的。相對地，樂趣亦會在兩方出現。能感 受著家人朋友的關懷照顧，有著一種溫暖在乎的感覺，確是幸運。懂得珍惜才能感受其中樂趣，這才是金石良言。與朋友談天說地，傾訴煩惱；與家人相聚，共享天 倫之樂，這一環是生命中不可缺少的，亦是樂趣其中一個源頭，你能夠發現嗎？

最後，人在追求目標的過程亦能得到樂趣。過程當中不斷的克服障礙，發現自我而衍生出來的成就感、滿足感是無可比擬的。當你全心投入做某件事情，就會找到樂 趣。而樂趣亦會成為推動力，驅使你把事情做得更好。你曾經為了做某件事而廢寢忘餐，沉醉和享受其中的過程嗎？那你便是找到樂趣了。

生命的樂趣並非一時三刻就能體會。它就像跟人在玩捉迷藏，非得要你全心全意投入，享受著過程才能發現。雖然如此，樂趣就是在你身邊，永遠亦不會離你而去，只要順著心意而活，認真和細心欣賞邊事物，更重要的是學懂珍惜，樂趣就會伴你一生，享受生命。

未可全拋一片心

考完試了。成績完全不敢奢望, 畢竟平時不燒昏, 臨急才抱佛腳...
連熬兩晚真係好辛苦, 可能太耐無認真溫書, 讀到後來個腦真係想爆.....而且仲作病作病......唉, 身體愈來愈差。基本上一開 sem 我就無停過, 除了一個新年假可以休息外。下年會比較好, 畢竟落莊了, 又讀少一些 credits。跟住就要煩 internship, 開學又要搵工、interview。暑假要做好搵工準備。我相信機會只會給予肯嘗試並且有準備的人。

今日我考試又見到個 promate 女仔, 對不起, 仲係好憎佢。
我一旦認定對一個人的觀感愛憎, 就好難再作轉變。莊員如是。
朋友X 問我點解唔睇開一些, 我唔知道。如果個女仔係我好朋友會點, 我覺得會好大分別, 例如我有位男性莊員經常做事無交帶, 但我一樣當佢係好朋友, 無畀佢工作影響我對佢的感覺。就係因為個女仔唔慫, 又唔係好朋友, 所以我無法原諒佢。是的, 我係好賤的。

同朋友 X 講起, 我地放棄了某位朋友。佢同佢相識不算久, 但發現了某些事情。我一直相信可以同佢做好長久的好朋友, 可是最終放棄。正氣曾經同我講過佢對他/她的觀感, 我唔信, 我覺得無問題。我要到咁耐先發現, 由此可見我同上述兩位朋友真的有差距。我太遲鈍?可是我覺得自己太信任佢而已, 而且覺得朋友不應太斤斤計較, 所以一直都為佢找藉口........相比朋友X, 其實我都未算放棄.......我地愈講愈灰, 覺得好像要搵一個值得永久相信的人好難。

有位朋友將我的某些事大事宣揚, 點解要咁做? 仲要放上 msn、又係公眾場所同人分享、又俾咁多我唔識的人知、仲威脅我要俾以前的朋友知。其實我唔驚, 件事亦唔係非常嚴重, 只不過我要重新審視我對閣下的觀感, 我可能無辦法完全相信你。其實我都有反省過, 件事我都有錯的地方, 所以我唔會怪哂佢。只不過人與人之間一旦有了一道牆, 就好難打破。這是人類的悲哀, 彼此無法互信。我一開始就無打算俾人知, 亦唔想俾人知, 而你係無意中得知後就立即四處宣揚, 我覺得係無理我感受。可能你覺得件事沒有甚麼大不了, 講出去係無所謂, ......我介意的唔係件事, 而你對我的態度和想法, 有否替我著想。經此一事, 我覺得佢信唔過, 所以以後唔敢再甚麼都講俾佢知。

信自己啦。最佳的選擇。

好恐怖...

我係某個網見到「功夫之王」同「EVA新剧场版序」
上次係「變形金剛」播映其間, 我就係呢個網到欣賞
真係好恐怖...卡通、中港台劇集、歌、遊戲節目、電影.......
應有盡有, 咁我仲有甚麼理由去看戲、看電視、買VCDDVD??
Internet 遲早取代所有傳播媒介.....
Seacow 唔憂做了....
新一季資料顯示IT 人員大幅加薪以挽留並吸引人才,
而且最新空缺以IT 人才最多....SeacoW!!!!!!

看到了!看到了!!!看到了!!!!

有點激動, 畢竟電視遠比youtube那模糊的畫面出色
見到自己剃得光溜溜的下巴
見到自己那可笑的動作, 幼稚的姿勢
家姐毫不留情地狂笑出來
仲要其中一個鏡頭我原本得半邊面, 係電視度睇連半邊都無埋..
得番 1/50 個身入鏡........
去過咁多次 casting, 唯一一次成功錄取並拍到野...
要留為紀念

大發脾氣

我唔怕人蠢, 亦唔怕人懶
最怕人又蠢又懶又硬頸
愈教愈躁, 終於語氣嚴厲, 一罵再罵
他哭了。
沒辦法, 還是一個小學生而已呀!
我曾想過, 教了他, 他識就識, 唔識就算
佢變成點, 都唔關我事
不過可能生來責任感強烈,
收得人錢又付出時間, 自然想做到最好
說真的, 他也可憐, 蠢之餘又遇到一個脾氣臭的補習老師

別忘記, 你自己也跟他一樣, 頑劣蠢懶, 又沒耐性
憑甚麼罵人呢???
我這種人未必適合跟小孩相處...將來....

尋找高佬大行動

出現了!
朋友告訴我, 她看到我的廣告
自己好耐無睇電視, 只好係 youtube 睇番個廣告
我見到自己四次, 但說真的, 如果自己唔係拍過, 又專登去睇
根本無可能知道我係廣告中出現過
拍八個小時, NG 幾十次, 好多個姿勢, 好多個組合,
結果出來只係係一個三十秒的廣告中出現四次, 每次大概 0.1 秒至 1秒
原先以為自己會一次都無出現過, 有四次都令我好驚訝
家姐睇完廣告, 認我唔到.....

臨交先擔心, 憑甚麼差遣我

全程無理過
好了, 要交啦. deadline, 無一個人願返大學交份報告
佢地一齊失蹤, 唔開 msn 、唔開電話, 打畀佢無人聽.......
到了 deadline 後, 問你交了未
好, 我就講未交, 睇下妳條 hihi 有甚麼反應
哈哈, 仲點我做野, 叫我打畀 其他 promates 叫佢地交
第一時間就話自己唔得, 係屋企
係屋企就唔可以死番大學交??個個交都要咁做啦!!!
仲要點我做野!!! 妳憑甚麼叫我去打畀其他人叫佢地交??
點解妳自己唔交? 點解妳自己唔打??
一直無理過件事, 到現在我同妳講未交, 妳先驚, 真現實!!
就算交了, 個 grade 都唔關妳事啦, 妳良心過意得去嗎??
「不如你叫你中大的朋友去交」
妳憑甚麼差遣我?妳憑甚麼差遣我的朋友??
難道妳中大無朋友? 得我係中大有朋友?點解妳唔叫妳朋友交?

(如果佢係索女, 我唔介意為佢做牛做馬)

潛藏的暴力慾望被喚醒

對象一:補習學生
蠢、懶、貪玩、喜歡講大話、脾氣臭、典型被寵壞的小孩....

對象二:promate xx
蠢、懶、脾氣臭、不負責任、豬扒愛好者、唔聽人講.......

對象三:某些莊員
懶、不負責任、唔聽人講......

對于上述人士, 如果打人唔犯法, 不用去坐監, 我一早同佢地隻抽
不過都是小孩與女人, 似乎勝之不武
不理了, 在幻想的空間裏懲治他們吧

唔知點解, 女性promate 特別 hihi

做過咁多 project, 知唔知點解女性 promate 總是特別 hihi
我無心針對, 但這是事實
只能說我很好運
而上莊一年, 幾位女性莊員真是特別 hihi,
唔知點解呢?
我已經唔想再同條 hihi講野, 佢態度愈來愈差
做野愈來愈頹.....妳XX, 正 hi hi

歧視女性

父子同死

兒子工傷喪命，老父接噩耗後受刺激猝死
慘絕人寰，點解個天要咁殘忍？
點解呢個世界咁多仆ｘ唔死而佢地死？
點解呢個世界咁多仆ｘ?
點解咁多人死, 又唔見班仆ｘpromate ......?

Onlineline , 又蠢又懶又唔聽人講

慎選 promate
否則後悔一生

點解要交頹貨?????我覺得自己已經要求不高!!!

無法理解
難道你們對個 grade太不緊張???
定係你地對我的信心太大?
無法理解

一個喜歡賴床的 人

意志力差
還有幾關要過
不要放棄

一開sem忙忙忙到完sem

又要煩 internship
又要煩畢業搵工
好多野煩
完了 exam 又要準備 IETS 了
還想考普通話水平測試
仲有一些 Finance 試
唉, 得把口

就黎要交, 大禍臨頭

真係好多謝兩位朋友同我拍 Pro
知道我做唔掂, 同我一組
佢地次次開會遲到, 無辦法, 忙呀
佢地次次開會都唔知幾點同幾時, 無辦法, 我講得唔清楚, 我無打十次電話俾佢地提佢地開會, 係我衰仔。打一次佢地又點記得呢? 而且人要訓覺的, 起唔到身開會又點可以怪我呢????
佢地個 parts 最重要, 但做得超頹, 叫佢地改, 改成十世都改唔到。無辦法, 佢地貴人事忙呀!!!!要考試, 又要慶祝生日, 又要做功課, 又有其他 project 要兼顧...........我唔駛考試, 我唔駛做功課, 我唔駛有其他 project 要兼顧, 梗係要做多一些野啦!!!!

A「我9;30 -11:30 a.m. 要考試, 我唔想等三個小時就為了開一個十五至三十分鐘的會, 可唔可以提早開會呀?!」
B「對唔住呀! 我今日生日, 我想陪家人...........」

佢地太辛苦啦, 而且百忙之中仲要抽空紆尊降貴同我開會, 實在令我非常感激!!!!!! 佢地咁忙咁辛苦, 不如早登極樂, 咁咪可以不用再受塵世之苦!!! 祝你地早登極樂!!

點解我遇親都係一些負責任、做事認真的人呢?
上莊一年多對住一班....還不夠嗎???
做 Pro 咁多次, 有邊次.........................
我太幸福了, 太幸運了

尿歸塵, 屎歸土

在我家的附近, 有一個專供狗隻排泄的「狗廁所」
可是我記得好像好久沒有看到上面有狗屎了。
「狗廁所」沒有狗屎， 正如銀行沒有銀紙、食肆沒有食物一樣奇怪
為什麼呢？因為附近沒人養狗嗎？因為附近不准養狗？
非也，正因為我所居住的屋苑准許養寵物，於是一到黃昏散步時間，
它們就空群出動，當中帶狗散步的更有不少是穿短褲的美女美太，
令我曾萌生強烈的養寵物的衝動（不是性衝動），以便一齊放狗。
於是，一到晚上凌晨就貓狗齊嗚，此起彼落，呼朋喚友，叫個不亦樂乎。
我的屋苑見證了社會的進步，展現人與狗的和諧共處。不少養狗户被別的屋苑轟出來後都聞風而至，一起建立一個人狗樂園、狗隻不會被驅趕的淨土。

說回「狗廁所」。既然我的屋苑是人狗樂土，那麼為何沒有狗屎？因為政府的清潔人員太勤快？非也，因為「狗廁所」上有不少廢棄的膠袋、未熄的煙蒂、用過的紙巾．．．而且長年累月都在。它們已取替狗屎，進駐「狗廁所」，如果沒有狗隻便溺的標誌插在「狗廁所」上，外來的人絕對會以為它是一個小型垃圾堆填區。

「狗廁所」為何沒有狗屎呢？我一直很在意，我要解開這個謎。但我又不敢訪問帶狗散步的美女，我只好旁敲側擊我一個男鄰居。他說：「唔係去呀！佢Ｄ沙長年唔換，上面一定十分污糟，會搞污糟我隻狗隻腳，試問又點可以俾跺過個Ｄ污糟沙既腳入屋呢？而且附近有個公園，帶佢散步時佢想痾就痾ｋａ啦，點可以強迫佢急時衝過去「狗廁所」痾呢！你估人咩！．．．．．」
啞哂。我終於知道點解一開始好漂亮好鳥語花香的公園，裏面會有咁多狗屎。從唔知幾時開始，我就唔係太想入去個公園跑步玩「障礙賽」，我實在不太喜歡每跑一步都步步驚心，小心留意。
有的美女放狗就會用報紙去感受糞便溫熱粗大的感覺，有的則抱持回歸自然的概念－狗隻吸收大地的營養，再把身體的精華排泄去大自然，尿歸塵， 屎歸土。政府清潔人員工作又有強烈保護環境的概念，贊成有機種植，讓野生的植物生長茁壯、石屎路上長出美麗的花朵。由是屎尿積聚，一入公園，清風送來淡淡花香，和微微屎臭。
噢，這個世界多美好呀！養狗人士太令人值得尊重了！

與體態特異朋友的對話

他無法說服我, 我也無法說服他
只能說大家價值觀不同
我放棄了, 可能他比我更懂生活到底是甚麼

平時又唔見咁多 job

現在非常時期, 已到危急存亡之秋
只好一推再推
唔係話唔想做, 係無時間做

喂, 原來

化完妝個樣比平時靚仔十倍
容光煥發, 神采飛揚,
不過幫我化妝個個男仔真係好靚仔.........

下年一定要有單人房

連中同都拍唔到房
我還可以同邊個相處呢?

如果現在剛開學

如果現在剛開學
我會同同房講:「買一盞檯燈吧。」

如果現在剛開學
如果要我同同房講一句說話, 我會講:
「凌晨三四點你同房睡著後唔好開大燈, 同埋開門開櫃子不要太大力」

不過一切都無所謂了。

Aries 生日快樂

Aries 生日快樂Aries 生日快樂Aries 生日快樂
Aries 生日快樂Aries 生日快樂Aries 生日快樂
Aries 生日快樂Aries 生日快樂Aries 生日快樂
Aries 生日快樂Aries 生日快樂Aries 生日快樂
Aries 生日快樂Aries 生日快樂Aries 生日快樂
Aries 生日快樂Aries 生日快樂Aries 生日快樂
Aries 生日快樂Aries 生日快樂Aries 生日快樂
Aries 生日快樂Aries 生日快樂Aries 生日快樂
Aries 生日快樂Aries 生日快樂Aries 生日快樂
Aries 生日快樂Aries 生日快樂Aries 生日快樂
Aries 生日快樂Aries 生日快樂Aries 生日快樂
Aries 生日快樂Aries 生日快樂Aries 生日快樂
Aries 生日快樂Aries 生日快樂Aries 生日快樂
Aries 生日快樂Aries 生日快樂Aries 生日快樂
Aries 生日快樂Aries 生日快樂Aries 生日快樂

還好

個 job 唔錯, 無想象中咁恐怖
下次再有記住搵我...
不過就悶得發慌.......
看到一些TVB藝員, 更有很多極級上菜......
有機會同一個極級上菜同車, 不過無膽同佢攀談......
死毒男
考試加油

熬多三星期

熬多三星期
熬多三星期
熬多三星期

軟弱薄弱脆弱

加油.......

好淆底

拍八小時, 拍甚麼呀?
要 sell PPC? 搵 Seacow la!
仲要有好多 talents 去......
好怕唔夠人醒, 始終等一次拍....
要晚上八點半才可以走!
執生啦!

KPMG

http://hr.kpmg.com.hk/interns_hk/index.htm

• u will need to be available full time in July 2008 for 4 weeks OR in August 2008 for 4 weeks
• You may be required to travel
• Please apply online by 30 May 2008
• You must be in your penultimate year of university study (i.e, graduate in 2009)
• You must be a permanent resident of Hong Kong or hold a valid Hong Kong work visa
• Shortlisted candidates will be invited to complete our aptitude tests in our Hong Kong office
• Please specify your availability/preferred start date on your application form in ‘date available for employment’
• Please note that there are limited numbers – if we cannot offer you a place this summer it is not necessarily because you have been rejected – we welcome your application for 2009 graduate intake

If No Big Four

Employer : W. H. Wong & Company-Audit (008065)
Employ Mode: Summer Job
Position Offered: audit trainee (1/2008)
Occupation: Auditors/Public Accountants in Audit Firm (2430)
Job Starting Date: 1/5/2008
Salary: HK$ 6000 Per Month
Vacancies: To be confirmed
Year of Experience:
Required (NIL)
Major Place of Work: Hong Kong (HK)

一張嘴

點解可以咁樣? 簡直令人百思不得其解!
太奇怪, 太得人驚
如此高質素男孩, 家景富裕, 前途無限, 收入穩定, 前景亮麗
點解可以咁錯配? 到底佢有甚麼好呢?
而且仲要唔止一個高質素男孩為其傾心
拍拖幾年, 散了, 但仲鍾意佢,一直到現在.....
簡直令人難以置信
Hey, how come? 世界變了? 各花入各眼???!
命, 一切都是命, 否則無法解釋
身邊的女性朋友, 再多多努力吧

因為是女性的關係, 我無法向其學習
可是我發現主動、開朗、玩得、健談的男仔女仔, 實在受人歡迎
自己卻與體態特異朋友同歸於毒男系列
女孩眼中標準男性==>同房, 好屈機

又答應了

八小時, 在這死亡時刻, 我竟然又答應了
八小時對我現在來說未免太奢侈
八小時我覺得應該不會是硬照
算啦, 答應了又怎樣, 很多時候都無回音
應該是找到適合人選吧
最麻煩是不知甚麼時候才有回音
試過臨開工前兩小時才打給你....
Hold 住你個期, 又未必一定畀你做
有同行對我說, 不必奢望能靠此打出名堂
當玩一玩算了
怎樣都好, 每一次工作對我來說都是有趣的
吸取難忘經驗
這些學業和上莊都畀唔到我

要拍八小時?

我並不孤獨

又有友人向我抱怨同房劣行:
為什麼會有人晚上在別人睡覺時在房講電話情話一小時?
為什麼其女朋友經常上來, 並隨意睡在其同房床上?
為什麼會開住 Hi-Fi 睡覺? 仲要咁大聲
為什麼我遷就你時, 你不遷就我??
曾經有中同醫生亦向我提過其同房劣行,
因為其同房是活躍份子, 是宿生會, 又有女朋友
晚上睡覺時跟上述友人的情況大同小異

只知道, 在大學裏, 習慣早睡的在宿舍生活一定會遇到很多問題
只知道, 要找一個肯主動遷就自己的人究屬渺茫之想
他會想, 為甚麼你不明白我, 不遷就我??而要我遷就你?
只知道, 體態特異朋友尋求同房之旅會非常辛苦
自知是個不好相處的人, 脾氣又臭, 希望下年有單人房

願天下有情人

到沙田看趙子龍
Andy Lau 真係超型...同是叫 Andy...點解我...
不過故事性太差.....又沒有出色綠葉.....
在沙田,我有一些回憶
自己未能照顧自己, 又何以照顧她人
如此幼稚天真自私的自己
未必帶給人煩惱悲傷

又有朋友中招, 不過他的情況比體態特異更糟
他完全沒有信心, 又沒有計劃, 又沒有決心....
而且女方現排斥現象.....慘...又有人落花流水了

同房沒有問我下年拍唔拍 hall
意料中事.....

努力終有回報 - 四封application letter, 各at least 一小時prepare

Dear student,

I am writing to inform you that you are nominated to Shun HIng Group for its summer internship program. You may be contacted by the employer for interview or any other selection process.

Best regards,

Diana Law

Diana Law (Miss)

Undergraduate Office

Faculty of Business Administration

The Chinese University of Hong Kong

-------------------------------------------------

Tel: 2609 7741 Fax:2603 5181

Email: dianalaw@cuhk.edu.hk

勞累

上學的日子每天都好累
以前放假 relax, 現在也不敢了
只希望快快把工作做完, 快快溫書
樣貌身型都走樣了

加油, 一個月

GPA + Intern + IETS

近來諸事不利

給予自己一些考驗吧
撐下去, 四月七號了, 剛剛一個月。

抱歉, 請不要在我面前講惡意粗口, 我會記仇

失約

打籃球後, 很爽, 很舒服
很久沒有做運動了, 揮發汗水的感覺很好
今次準時, 卻等了半小時...
有某些人我不想再約佢
對不起, 你太令我失望, 完全唔尊重個meeting..
某人遲到很多, 但終究來了
某人沒來, 打電話講對唔住
你唔來, 一句 sorry 都無, 又唔 inform me...
次次都係咁, 夠了

體態特異-奮戰篇-讓那無情流水變有情

出擊了。戰鬥終於展開, 號角響起, 喊聲震地。

我一直以為落花無力百花殘, 逝者如斯, 不敢追逐流水
其實流水永遠在這, 端乎落花何時落下
我一直以為自己很重要,: 摘花、放花, 讓花隨水而去...
可是, 花也有自己的意志; 四時轉換, 時機成熟, 花自然落下
不必強求, 外人亦無法干預大自然的法則, 大自然自有一套運行
的規律, 冥冥之中自有主宰,.....不要把自己的力量看得太重要了..

那種勇氣, 那種決心, 實在叫人驚訝...不過是好開始
要加油, 千萬不可放棄....
實在想知道當時情況........

為夢想而奮鬥

一個只有空想、幻想, 而沒有夢想、理想的人, 如何奮鬥
為生活而生活, 被時間、苦勞、生活追逐著, (抑或是我追逐間、苦勞、生活?)
害怕失敗、麻煩、痛苦, 尋求享受、安樂、舒適
始終是溫室中長不大的小花

體態特異, 落花流水

機會出現了, 而機會唔係成日有。一年? 三年? 五年? 我不知道。
事實上我非常羨慕、非常期待的事情發生在體態特異的朋友身上
終於有目標可讓自己邁進。不要害怕, 上吧。
這些事誰都會有, 真的不必害羞。
怕甚麼呢? 失敗了又如何(唔會死的) , 成功的話卻會非常興奮。
要對自己有信心, 好多野唔試過又點知個結果係點呢??
自己雖然咁口響, 不過相信遇到同類事件會好悲壯兼「庵春」
加油吧。這些事情還是要靠自己, 如果連係自己都放棄, 都覺得
自己註定會失敗, 真係無人幫到你, 你更加唁駛旨意會成功。
最緊要意志堅定, 終可鐵杆成針、頑石點頭、雲開月明。
怕挫折, 怕失敗, 怕「瘀皮」, 一世都毒。
試過了, 失敗了, 起碼無悔。
噢, 希望日後有機會同自己講番

求人不如求己

只有自己是最可靠的
相信自己吧

煩惱

煩惱
像個大網將你捕捉

前進

他們很積極
我也要努力

成長總是充滿痛苦

當作考驗吧!

約 gathering

有一位友人, 我曾將他當為好友
畢竟同校近十年, 自覺友誼非淺
可是約他 gathering,
臨門一腳放你飛機 x 5 、 話唔肯定唔知去唔去得而最終無去 x 數次、
話唔得閒而唔去 x 無數次........
說真的, 曾經很憤怒,
拜託你如果唔想去就坦白說出來, 不要去到最後一刻才說出來
拜託你下次(雖然唔會有下次)用別的藉口, 畢竟次次都「不舒服」太湊巧了
算啦, 可能從一開始重視你的只有我一個
當我從別的途徑知道你並不是「不舒服」, 好唔開心, 有種被背叛的感覺
識你咁耐, 有甚麼事不可說出來, 何必騙我?!
Plan 好行程、節目、時間地點, 絲毫不用你操心....你連來一來都這麼困難
心灰意冷了, 對不起, 沒有下次了

某人生日, 說真的, 今次已經盡力早約, 在三月, 有邊個不忙?
我只希望你們可以 arrange 到時間跟大夥見面
若不是看在某人面子, 我真的不會在三月約 gathering
打電話打幾次都無人聽, 又唔覆電話, 留埋言叫佢覆, 又叫佢家人協助提佢..始終都..
有的唔去、有的遲到但唔知幾點先到, 到先打畀你.....有的我個日先覆你.......
有的去但唔食野、有的....................................................................
放你飛機......放你飛機....放你飛機....前一晚好像約好一樣爭相打畀你話唔得/要遲到
真的好煩, 可能自己近排好多野做, 情緒不太穩定

同謝瑋煒講起, 佢約院慶聚都好x煩, 狂打電話, 又買打邊爐料收唔到錢,
又被人怒放飛機、又有人話唔食但來坐......「出錢出力出plan, 真係...老母」
我真係想同佢講: 「唉, 下次等人約自己算了」

Carrie, 我好敬重妳, 7A班 gathering 一直都是妳約
都係個句, 有誰不忙?

淪為口號

不是說, 寧當那寒風中的蒼松, 不做那溫室裏的小花嗎?
怎麼, 成為空話?

不是說, 寧當那浴血重生的鳳凰, 而不做那巢裏待哺的雛燕嗎?
怎麼, 連小小挫折都經受不起?

奢侈

甚麼時候開始.....gathering 已經變成一種奢侈?
呢個 sem 幾時完?
又唔想完....佢的完結就意味你要開始搵工......
唉, 好多煩惱

看來

看來要考完 Final 才可以得閒一些
數不完的工作

還有一個星期

下個星期二之後最 urgent 的總算告一段落...
可是還有兩個 projects + 一份 paper waiting for me....
今日表演觀眾反應好好....自己有一刻好感動...那是自己的東西....

有一個莊員變本加厲, 頹上加頹, 我覺得這已經是上莊以來最後一個 production
最後一個活動, 為什麼都不用心攪好佢.....上莊以來, 究竟佢做過甚麼, 為何上莊....
可是我已經沒有以往的憤怒, 算啦, 都不用見到佢了
何況, ,.........又不只佢一個頹廢......
不想事事執著, 那樣會很辛苦的

真是太糟糕了

現在每個星期都過得好痛苦
快點到四月啦
在這個死亡時刻...竟然還答應去扮免仔......
腦子裏想些甚麼呀...

痛苦二月、死亡三月

已經每晚都好夜訓..............
時間安排得十分差勁.....
熬過三月就可以了....

財神到-聖誕老人後又一傑作

痛苦篇:

衣著:
勁頂腳趾鬆糕鞋: 腳趾甲頂到斷了一截, 而且一步一驚心, 唯恐拗柴,

鬆身古代丞相裝: 每步路要小心, 否則踩到自己裙擺, 跌倨四腳朝天
氣勢呼拉圈腰帶: 成日跌, 成日跌, 成日跌, 最衰自己沒有「體態特異」朋友的身體特徵
關雲長糾纏假鬚: 一團野, 千絲萬縷, 沒頭沒緒, 又熱又臭

說話:
江郎才盡: x喜發財排首位, 其次身體健康 repeat again and again, 再之後是搵多口的,
賺多口的.....財源廣進...
語無倫次: 對阿婆、細路女講青春常駐, 對個bb 講「嘩, 祝妳又白, 肥肥,......淨淨」
「聖誕快樂」.......
聲嘶力竭: 喉嚨好沙...一邊講一邊 cough, 仲要畀條女寸: 「你已經好細聲的了, 咁都沙?」
惡意挑逗: 「你盲的? 你盲的?」對不住, 我的確睇唔到你向我逗利是, 但就算如此, 都唔
駛扯甩我條腰帶.......「有無搞錯, 朱古力?!」........怒睥......
死亡空氣: 講完一大炸野, 完全無人理你, 要派利是又無人理你, 完全當你無到

興奮篇:

利是: 興奮! 你派朱古力利是畀佢, 收番真利是! 興奮! 怒收!!!
靚女: 身形苗條, 和藹可親, 全程陪伴....都算吧....
完
仲有兩日
睇錢份上

新年願望

一年伊始, 萬象更新
有不少新年願望, 最希望能改掉一些陋習
意氣昂揚, 奮發圖強, 努力以赴
學業事業與家人, 還是放首位

再三天就好了

請讓我再支持三天
再三天就好了........

痛苦的一星期-

喉嚨痛

猶如被刀砍斧削, 在睡甍之中忽爾痛醒, 尚不知痛在何處, 可是一嚥唾液, 痛得倒抽一口涼氣, 大氣也不敢喘一口; 掙扎中起床, 喉嚨乾涸劇痛, 已經知道有可能發炎。一大口清水落肚, 痛得己不想再飲等二口; 喉嚨已痛了很久, 這徵狀蘊釀了一段頗長時間, 但從未如這天之厲害。餓了, 一邊吃飯一邊痛, 小小心心的吞嚥.....心想男子大丈夫, 流血不不流淚, 小小苦楚等於激勵, 於是把心一橫, 大口吃飯, 大口飲水........吃了喉糖, 稍解痛楚, 但到了等二天早晨, 亦復如是。

肚疴

認識我的朋友都知道, 我打電話有個怪廦好, 你一接電話我就問你「痾了屎未」....哪知天理循環, 報應不爽, 去了三次洗手間, 一小時之內坐了三次冷冰冰的廁板, 到了後來, 就像醉酒之人在嘔清胃內的東西後仍隱隱作嘔一樣, 似乎恨不得胃裏能再有甚麼東西給你嘔一嘔, 也勝過這乾嘔不止的感覺..
過程之辛酸, 不足為外人道也。

頭暈

知道自己好像有點發燒, 頭昏眼花, 走一步路也沒有力, 似乎每一步跨出去都艱難萬分
上堂一邊聽講一邊在發暈, 感覺很不對頭.....一到晚上就立刻想睡覺, 要集中精神真是萬分困難
但是我不能........請發暈......要強打精神....

對不起, 我又爽約, 但我再不休息, 我會倒下
就算我去, 都無法搞氣氛, 沒有能力.....
對不起, 文科班