生日月的最後一天

遇到朋友埋怨他家庭複雜, 高高總不忿氣..你家庭有幾複雜?夠唔夠我複雜? 兩條友就會鬥家庭複雜, 鬥到一半就會發現:「原來佢屋企都幾複雜, 都好多問題....」鬥到後來兩條友就會愈講愈灰, 再來互相安慰, 互相鼓勵, 嘆家家有本難唸的經......諷刺的是, 經歷複雜的問題往往可以令人急速成長。

每個家庭都有好多問題, 每個人的成長都殊不容易, 一定有挫折與失敗。我相信世界上沒有解決不到的問題, 沒有永遠的挫折與失敗。但死了, 就輸了, 你的仗也就完了。人生無常。十九之齡, 青春少艾, 正值流金歲月, 自由自在、五光十色的大學生活在等待著佢, 浪漫瑰麗的愛情、精彩燦爛的事業還未開展, 死神已驟然無情地奪去其稚嫩的生命。她一定不甘心, 可是有甚麼辦法呢? 我相信命運在我手... 但生命, 太無常, 實在無從把握。

我記得中學時期中化堂上玩遊戲, 有位女同學稱讚過我係個顧家、負責任的男人。大學俾某位女莊員讚係「dream man」、「好男人」。補習學生的父親說我面相係家庭意識濃重的相, 人生離不開家庭生活。我唔知點解我會畀個咁的印象人地, 我希望我真係如佢地所言好顧家.....當然, 目前我尚未有這個能力照顧家庭。朋友同我講, 我覺得你總係好大壓力。壓力源自我對自己的要求, 要求來自我想畀屋企人更好的生活。我無法主控佢地的壽命, 我只能盡我所能給予物質的富足、生活上的舒適。

過去的生日我總是會許一些關乎個人的願望, 如會考、高考怎樣怎樣, 另一半怎樣怎樣, Big Four 又怎樣怎樣.......但人大了, 懂得思考多一些, 我的願望只想家人身體健康。.......最低限度給一段較長時間我們休息恢復吧......。再貪心一些, 我希望下一個生日前我已經可以財政獨立, 支持到屋企人的生活。

九月一日, 奮鬥開始。