誰人同「我」慶祝生日

驚訝驚愕驚駭驚覺驚醒......
對不起, 我不知道
我甚至不記得你的生日
因為那段期間是考試.....
但就算我再忙, 如果現在我知道某人生日, 我都提自己一定要同佢講聲「生日快樂」
是心意.......亦是象徵你對佢有幾重視

但以前的我一向非此道中人
至多其他朋友替一個朋友慶祝, 我去參加
我不重視自己的生日,更何況他人
有無人同我慶祝過生日, 都不記得了
想會考放榜後, 陪他人找學校, 看著其他人填表...面試...
無理過自己生日
家人亦習慣沒有慶祝活動, 但媽媽會給我紅封包, 很開心
男人老狗, 有甚麼所謂呢
怕生日我到來, 自己又大一歲,
怕回想一年, 卻沒甚麼改進、沒甚麼成就...惶恐、不知所措....
慶祝又怎樣, 真相信願望可以成真?!
只有朋友的笑聲和對你的祝福是永遠的
在燭光中、在笑臉裏, 相信友誼可以去到永遠

那麼多的朋友...小學同學、中學同學(分幾堆)、大學同學(大細O...)
個個生日都要同佢慶祝, 好難每一個都把自己真誠的祝福送給他,
尤其當你極忙時, 次一等的朋友請靠邊站
不要說沒法記得所有人生日, 就算記得, 在極忙時你也沒有心情跟佢慶祝
send 一個 "happy birthday to you "聊表心意, 聊勝於無....
說真的,我連自己家人的生日都記不清楚
當然, 這可以是有沒有心的問題
但我一向認為如你愛你的母親, 不必等到母親節才跟她說「母親節快樂」
生日也是一樣, 閒時一個電話、一句簡單的問候語, 不必等到「他」生日才做吧
尊重放於心底, 友情永不變
因此就算朋友不同我慶祝生日, 我不會怪責他
他平時對你點, 你清清楚楚, 放於心底

我一向相信「你想人點對你, 你就要點對人」這句金科玉律
中一至中三...放肆、幼稚、戲弄朋友==>無朋友
中四至中五...脾氣大、幼稚無聊, 但對人有改善, 懂得反省==>開始有朋友
中六至中七...學會忍耐、尊重、謙卑==>最多朋友的時期
持續改善中?! 努力中......
要學會盡量不去計較..雖然好難...

其實我一向都同意AA制, 因可減少爭執
唔想拖欠人, 又唔想有「蝕底」俾人的感覺
但朋友間又點計得咁多
成日斤斤計較, 自己個心都唔舒服
活得自在、開心、心安理得就可以了, 不是嗎
是朋友的就不會搵你笨吧
有慶祝又如何, 沒有慶祝又如何
有生日又如何, 沒有生日又如何
日子還不是一樣的過
但沒有朋友的日子, 最難過

入了大學後, 我多了用虛假的聲音、機械化的笑容跟人說「生日快樂」
跟唔熟的一大班朋友以生日來做 gathering 的籍口再好不過
記得、記得、記得 send sms ...happy birthday to you
盡管你知道佢未必會珍惜你的祝福
盡管你知道你一點祝福意味都沒有, 例行公事的成份較多
生日快樂何時變成了一個工具
為何不反樸歸真
檢討自己待人的態度
相信真誠待人必得真誠的友誼
對不起, 我是重視你的
明年我會記得你的生日, 如果你不想慶祝, 我會記得跟你說聲...「生日快樂」