諗書何價

每一次去補習都很不情願
情況更有惡化的跡象
這就是為五斗米而折腰?
甚麼回事? 世界竟有咁懶咁蠢的人
自己小學讀書時期不知多舒服, 從來不知溫書是何物, 每天一點放學, 吃飯睇電視, 跟住做功課, 訓午覺, 睇卡通, 睇小說, 踢波........沒有溫書, 真的沒有溫書。無人幫我補習, 無人買練習俾我做...最記得次次都默書一百分, 阿媽就次次獎五蚊俾我買野食; 中文作文又成日貼堂, 考試攞唔到八十分都無面見阿媽。但生活是如此舒適, 成就是來得如此容易。
那是極樂時光, 人生最光輝的時刻! 玩!吃!睡!拉屎!

我唔明白, 我從來唔溫書, 除非到了考試前幾天, 但我考試都未試過低到六十幾分, 遑論肥佬。我唔明, 佢有課後輔導, 有人幫佢補習, 有大把練習做, 功課數量又多我個時一倍, 為什麼他仲係會中英數肥佬? 解釋過幾百次, 佢當時一係唔聽, 一係唔明又唔出聲, 俾功課佢又唔做, 甚麼事呀?!態度又差, 完全唔聽人講, 講完等於無講, 問佢又唔答你野....大佬, 真係躁。每次發完脾氣都好後悔, 關你鬼事咩, 又唔係你個仔, 逗下人工咪算囉! 我個性格從細個開始我就好明白, 呢個性格帶畀我學業上的成就, 亦帶畀我生活上的一些痛苦與無奈。何必事事要勝利, 事事要完美, 事事跟住你心意而行?

事後想起自己向個死仔發脾氣, 太不值得。同埋你係佢甚麼人? 憑甚麼發佢脾氣? 想想佢也好慘, 因殺校而被迫上全日制小學, 之後還要輔導, 假期參加課外活動, 日程鋪得密密麻麻的, 而且家中父母要上班, 得傭人照顧, 沒人督促。他物質生活富裕, 可是沒有精神生活, 不能過屬於自己的生活。而且他天資看來十分.......希望他大些後會開竅吧。如果他以這麼的方式、態度生存下去, 他的未來的路將十分難走....他的中學求學之路將十分崎嶇。有時覺得他挺可憐的。

不過有時又會諗, 讀咁多書, 考咁多試, 得到一般人以上的成績, 又做甚麼呢? 為什麼我要這樣讀書??? 為什麼考試一定要高分?以前有時會後悔中一至中三沈迷打機、荒廢學業的頹廢生活, 好像十分浪費時間浪費生命, 應該拿來讀書。現在會想, 我想那時的我學一些特別技能, 如學武術、彈琴、外語、書畫、..等等。現在沒時間弓弓,真的。買了日語書、普通話書各超過十本, 都被束之高閣。

成長中。