意志力之修行

將生活重新納入正軌, 要早睡早起
盡量抵抗玩樂遊戲人間的想法, 多學習
拉筋時很痛, 做掌上壓沒毅力, 不過要堅持
學會控制脾氣, 收斂情緒

疲憊

等一天還透著新鮮, 等二天還可以靠睇靚女、明星勉強支持, 到了等三天已經想放棄
好無聊呀! 又熱又臭又累, 簡直係苦差!!!
"Hello, Merry Christmas! XXX祝你聖誕快樂! 得閒來xxx睇下啦! 想買xxxx, 來xxx啦!"
我就像是個機械人, 又或是一個不斷循環播放錄音帶子的錄音機............
雖然我懂得苦中作樂的道理, (以我的性子, 自然不能不看女仔), 不過看女看久了, 實在也厭了
日子開始好難熬,......................開工已望收工....我都不適合流水作業的工作
除了偶有佳作外, 大部份的女行人在容色上都遠不及身邊的一位,
到了等四天, 肥婆走了, 來了一位姿容端麗的女子, 我兩位佳人在旁, 撩佢地說話, 日子才比較好過

外國人很喜歡捉住你拍照, 我同菲律賓人、鬼佬、韓國人、日本人都影過相
有的大漢很搞笑, 佢地會大大聲用不純正的英文對你講 Merry Christmas x 3
有的大漢竟然對你講粗口, 有的在你背後「呵呵呵呵呵」的扮聖誕老人的笑聲.....
見到好多明星, 仲要超近距離:
有芝Se姑B、啤黎、關禮傑、狄波拉、鍾麗提、林峰、陳敏之、宣宣、
容祖兒、何韻詩、楊千樺、樂易鈴、甚麼名化妝師、甚麼港姐..............
我都不記得那麼多了, 只知道這幾天比我過去一生人看過的明星還要多
有了看明星的期盼, 生活才沒有那麼難熬....

等一日之Morning Assembly

較七點鐘半鬧等一次, 八點鐘鬧等二次, 九點鐘鬧等三次
最後都係十點才起床, 意志力太差了
原本想做 gum, 歎飯、還書, 沒一件事做得成
急急忙忙出門, 佢仲話臨時要提早, 最終遲到了五分鐘
這次可能不是拍硬照的關係, 那兩個女孩相對個次遜色, 有一個還要頗為肥胖
跟著就換衫, 戴鬚, 戴假髮, 戴皮帶.......拿一個又大又重的禮物包,
拿一個指示牌, 還有一個噹噹
滿身累贅的走向大街, 說了幾百句 Merry Christmas
真係好辛苦:
好熱, 熱到個頭好痕癢, 熱到成個身濕哂
戴著鬆講野好唔方便, 仲吸了唔少鬚落肚, 時日既久, 鬚吸口水, 變得好臭...
對住馬路, 好多廢氣; 個垃圾箱係旁邊, 那些未熄煙蒂在上面不斷發放二手煙.....
機械化的說話, 好悶, repeat and repeat ...講到後來喉嚨開始沙、痛....
完全無人理我, 年輕男性固然只將焦點放在女性身上,
老一點的又只會掛住拿女孩手上的禮物, OL 就只會照行照過..
呢每個鐘三十元賺得不易............

好不容易熬完上半場, 去餐廳食了一個竟然要二十元的餐蛋面
再來就是在中環迷路, 一邊打電話 call gathering, 一邊慌不擇路
最後走走走, 舉目四顧, 只見目的地赫然在自己上面!
跟著去 m 記坐了一個小時, call gathering, 睇小說, 非常快地消磨了時間
跟著又開工, 臨近放工時間街上卻比下午少好多人, 而且又涼快, 故實在舒服一點
其中一較好樣的女仔英文、普通話、日文、菲律賓文竟然都識, 令人嘖嘖稱奇
佢原來開鋪頭做老闆, 做聖誕女郎只係來玩吓, 非為錢, 厲害厲害,
臨近自己收工的一小時, 時間過得特別慢, 我三番四次睇個鐘, 見佢都唔郁...
最後個十五分鐘更是度秒如年

好容易盼到收工, 又急急地趕下場, 同人打邊爐
依家依個 blog 已經好危險, 寫甚麼野都要小心, 知道有個女莊員 OK 多口
之後係佢面前要小心講野
打邊爐時氣氛都 Ok 好, 我盡力搞氣氛,
不知從甚麼時候開始, 當一班人 gather 時, 我都會盡力搞氣氛
我怕一班人玩、食野都係靜靜的、少話題講..........
食完野大家去了機鋪行了一圈, 我見到那本東西, 見到自己, 瞬即買了作留念
原先自己已靜悄悄放入背包, 當可太平無事, 但見佢問到, 又信得過佢唔會亂講
(那位仁兄在我心目中有一定地位, 而且平素為人都唔會亂講人事情, 有幾個例子可證明)
我信得過佢守口如瓶, 為人有原則, 終於俾佢睇了, 並千叮萬囑叫佢唔好講出去
真係估唔到佢會即刻同人講, 真係發夢都估唔到
沒有憤怒, 畢竟不是甚麼大事情, 只是有點失望
影響波及, 回到宿舍都不再敢俾同房睇, 多一事不如少一事

回到宿舍好累了, 己沒有心機溫習 TOEFL
媽媽, 妳說的話, 我記在心裏, 我會為妳而努力
我討厭現在的自己, 因為太無能, 太脆弱, 太差勁
我係女仔, 一定唔會揀 AndyChui 做老公
我係僱主, 一定唔會揀 AndyChui 做僱員
我要自我提升, 自我增值, 嘗試使自己對自己加添一點滿意程度

終曲

一個 sem 又完了
今天的考試並不理想，但考完的一刻，還是鬆了一口氣
終於完了，多災多難的一個ｓｅｍ，人生最痛苦的半年
這種程度就感到痛苦了？！真脆弱．．．．．．
畢竟做慣了溫室中的小花，難習慣風雨飄搖的日子
休息一下，下個ｓｅｍ要再努力一些了
為自己在ｓｅｍ　ｂｒｅａｋ定下一些目標，
是準備好　ＴＯＥＦＬ和一些下ｓｅｍ課程
還有投資知識，不過根據慣例，都會ｈｅａ了個假期

今朝考完試後直接去了圖書館印了一些小五英文練習
又借了一大堆ＴＯＥＦＬ參考書籍
之後回宿放低書，食個合味道，又去補習
那些細路真的好頑皮，比自己小時侯還恐怖
以後還是不適合教小學，中學會比較好吧

補習後去了試聖誕老人衫，紫色的
有黑色靴子，腰帶，到時還會化妝
看一看ｐａｙｍｅｎｔ，每小時只得＄３０
唉，又車費又食飯，每日得果四小時，真係把鬼
反正空閒，就做一做，可防止自己出街花錢
有朋友竟然說來跟我拍照，門都沒有，我豈可留下證據把柄

試完後去了大家樂食飯，所有餐飲價格三級跳，
比起南官時期二十元有兩塊吉烈豬扒、一隻雞翼、一條司華力腸
已是不同光景了，南官離我很遠了
＄３９個鐵板燒份量少了好多，又無甜品，不過都算飽，而且好好食
返宿ｈｅａ
（Ｔｒａｖｅｌｌｉｎｇ　途中狂打電話 call gathering, 耳朵後來又熱又疼痛...)

難言的沉重, 苦澀的絢爛

今天的流浪者，僅是明日的過客。
每一個日出日落，
或多或少都帶苦澀的錦袍，
在海之角掀翻夢迷匣盒，
帶著僅存希望卑微的數息著，
選擇性填上是非與恩怨裝滿行囊，
在臘月的雪中，
對著殘骸訴說流浪者的獨白。

初涉老蘭

雖然穿上了同房的戰衣, 不過去到中環地鐵站, 看到那三個人時, 還是吃了一驚
原本對自己的衣著還有點信心, 誰知看到他們的衣著, 才知道甚麼是潮流, 甚麼是型格
有個讀 UST BBA 的女仔好靚, 膚色晶瑩剔透, 小小的瞼蛋
個男仔先型, 又高又靚仔, 臉上的五官非常突出, 驟看有點似鄭元暢
好少機會可以咁近距離見到咁靚仔靚女的人, 即刻自慚形穢
「你都著得唔夠 sharp」「你的下半身著得唔Ok」
算啦, 無辦法, 盡哂力, 自己一向重視衣著

去到老蘭, 見到個兩個雜誌model, 嘩, 好大好明亮的眼睛, 好尖的下巴, 好苗條的身材.....
在中大, 說真的, 這種級數沒有見過
老蘭的街道上熙來攘往的多是鬼佬, 應該黎搵野食
那些女仔打扮得好時髦, 跟中大是兩個完全不同的光景
空氣中瀰漫著濃濃的酒香, 薰人欲醉
我似乎去了另一個世界
拍照時自己好拘謹, 畢竟同佢地唔熟, 無法攬頭攬頸
而且又無人畀指示我, 自己又無受過訓練, 根本不知道擺甚麼 pose
畀攝影師話我地好生硬......鬼咩, 我地幾條友都係無甚麼經驗的
唯有下次有機會再做好一些吧