多事

這幾天發生了很多事。突顯了猶疑的性格、我決斷力不足的問題。
跟「是芒」一起 Morning Assembly , 引發了一些事件; 二人的價值觀愛情觀人生觀可以這樣相近。大家都遭遇類似問題, 都為前路感到迷惘, 都想改變自己, 都有事業上的雄心壯志.......
Internship 方面有新的突破, 遇到「貴人」, 不知他會否幫幫我。此人還在讀大學, 正職Full Time 做工見客, 副職讀書( reg 夜晚堂), 「暫時」月入四萬, 成為公司新人王, 打算做一年就買樓, 而且做滿一年已經知道可以升職, 而他不過大我一歲。這就是商科人, 壯志凌雲, 有目標有理想自我挑戰, 短期目標年薪百萬。對, 他成績唔夠好讀唔番南官, 咁又點?? 愈來愈覺得個人素質好重要, 我同是芒睇法一致。很高興有人理解自己同意自己, 是芒, 謝謝你。不過到現在依然唔知自己想點, 唔似個位人兄五年前已鋪定路。

知道某友人 summer course 的成績, 很替他感到高興。他是走學術的路的, 他性格適合, 他有興趣, 他有能力。我祝福他。知道他將會很忙, 做大學 tutor/ (professor) 是我一生都無可能做到的事, 無論興趣定能力, 加把勁吧, 不要把你自己看得太過小了(不是那話兒)。

知道某位中同 ebay online business生意開始愈做愈好, 愈來愈有得做, 很替他感到高興, 從以前就覺得他是一個非常聰明的人, 雖然為人比較懶散( mainly 讀書) , 但將來極有可能如何 sir 所言成為在同期學生中賺最多錢的人。佢雖然仍在求學階段, (雖然唔溫書 + 走堂) 佢已經有不少門路賺錢, 一條 Geo Essay $2,400, 又補習, 又幫人整電腦, 又學做生意.......我衷心佩服佢。

愈來愈覺得讀會計學商科知識原來都唔錯, 如果我當初選擇中文系, 那只會變成一個中學老師, 可能行嚴 sir 條路攪學術, 可能埋首唐詩宋詞元曲明清小說新文化運動, 一隻呆頭鵝.........正氣可能會話「唔關事! 你睇我, 無讀商科一樣可以學習商科知識! 炒股票仲有賺 2x%!」佢的確厲害, 無野好講, 同期中同中佢都算數一數二聰明, 而且都幾全面。不過同讀中文歷史的人相處跟讀商科的人是完全不同的。
大學應該讀甚麼? 你俾我選多次, 我會揀「環球商業管理」, 可以有資助去不同國家 exchange , 可以做 I- bank......
畢業應該做甚麼? 暫時都係個謎, 只不過愈來愈排斥會計....愈聽愈多佢的負面消息, 唉。