morning assembly

31/9
一早就俾姑姐踢我屁股, 要我起床去飲茶。因為昨晚打機打得很晚的關係, 朝早不太願意起床。
飲茶去了大户人家, 食物一般, 埋單一百六十, 差不多啦。
之後同家姐去了惠康買東西, 很閒適。點知一回到家見到時間不早, 就滾水碌腳咁去沖涼, 胡亂洗了一個頭, 我換好西裝後, 跟住叫家姐助我拍照, 發現效果不太理想, 不過自覺無時間, 所以都求其了事。我叫家姐替我send 相, 自己就出門口。

去到車站只能無奈地目送架車離開, ( 著住套 suit 好鬼熱..懶型唔戴眼鏡的結果就是見到架車唔知佢就係我要上個架車, 到走近時見到再開始跑就已經太遲了.....結果是跑完一身汗又只得個吉 )
2:30 p.m. casting, 12:50 a.m. 上車, 1:20 a.m. 去到灣仔, 家姐 suggest 我搭的士, 但因為時間太過充裕的關係, 我落去地鐵站睇地圖, 決定行路。沿途有好多燕窩莊、海味鋪, 又有唔少遊客。

行到目的地, 時間都尚係 1:35 p.m., 離 casting 尚有一小時, 真係好無奈, 附近又沒有甚麼食肆可以坐下來。我到 seven 歎冷氣, 再幸運地找到一間餐廳飲奶茶, 磨了不少時間。
去到銀河百度, receptionist 叫我先填 form, 有很多資料我都唔識, 例如自己胸size、套裝尺碼等。
跟住就俾一張 guideline 我, 要我向住carema 自我介紹, 時限一分鐘, 我prepare 了接近二十分鐘, 完全無人理我。跟住自介時好 smooth, 但 body language 略嫌生硬。過了第一關, 尚有兩關, 第二關要考我演技, 叫我當 carema 係我條女, 對佢就好溫柔, 對個waiter 就好惡, make a constrast.
第二關我嫌自己反應唔夠快, 動作對白唔夠連貫。
第三關就要我當 carema 係 client, 而我負責 sell credit card to him, and mention three advantges of the credit card.

接著去 Fresh gathering.@ Mong Kok...問題是佢6:30 p.m., 先集合, 我3:45 p.m @ 上環, 都唔知點。跟住我去了旺角, 漫遊一番, 見到機鋪。著住老西如有神助, 第一個game玩 King Fight 2002, 用八神, 紅帽, 還有一個複製人。以前玩頂多三鋪, 今次直去最終大佬「魯加」, 個結果係佢只係扣了一滴血.......好莊烈.....
跟住玩「百萬富翁」, 8-3 竟然計到 3 ....oh..accountant....
玩頭 D 就排了好耐隊, 那一些人好差勁, 應該是初心者, 我一落場, 佢地睇到呆哂....我狂破自己紀錄...例如赤城: 2 分 31 妙, 秋名:3分14 妙, 土坡: 2分51 妙, 正丸: 3分14妙..............等
之前狂玩但愈玩愈差, 今次好耐無玩但竟然........


6:00去到MK MTR station, 打了九千次俾組媽無人聽, 自己又唔知組仔電話....個刻好無奈
最後得四條無女的毒男去 greenbox 唱K , 組媽就稍後再來, .......
HP 好hyper, 全程狂唱K, 而且手舞足蹈, 好彩有佢搞氣氛。
我因為疲憊的關係, 狂食野, 多發呆, 少唱歌(唔想獻醜)
之後一大班人去影貼紙相
沿路見到阿嬌在宣傳新片, 超多人 =.= 勁瘋狂........