不值得 - 訓練幼嫩的EQ

不值得為一件工作 躁底
不值得因一件工作 破壞大家的感情
我珍惜大家長久以來建立的感情
其實大家目標不同, 追求、重視的東西相異, 我都好明白
有些東西就是沒有辦法強求, 只能睇開一點
不過我無法放棄, 至少在目前階段, 因為怕一放棄成個 team 就會散。好似某位女性友人講句:「做好自己囉, 反正其他人你都控制唔到。」妳岩。我發覺同妳做工作搭檔是一種享受, 做朋友更加難能可貴, 因為妳永遠正面, 我可以從妳身上學習。
做相類似工作咁多次, 只係試過兩次夥拍一些跟你對件事有相類似程度關注的朋友。其實我要求好簡單, 不必十全十美, 只需要盡力而為。盡力而為是在自己可控制的範圍內盡力而為, 包括有限的時間、知識、能力、技巧。同埋有一種 give and take, 大家有溝通有交流, 不要讓我覺得我自己、或跟某一、二位朋友孤軍作戰。發 email 時大家會有一點回覆, 講好了而大家答應了的 deadline 盡量做到.....如此而已。
正氣朋友一條友做哂成件工作, 委實令人可敬可佩, 「係咁啦, 算啦」...真厲害、豁達。
如補習學生父親所言, 我暫時真係不適合作管理人員。而「....你到後來會自己或跟某幾位工作夥伴揹起件事, 但你要堅持, 不可放棄.....」之言, 我更會作座右銘。

發洩完畢。